Bi destê Walîyîya Sêrtî û cerdevananî dewa Hosyanî de bi hezaran darê Herêma Bestayî yenê birnayene. Ma xo resna cayê darî ke yenê birnayene û talan yeno kerdene. Ame îdiakerdene ke Walîyîya Sêrtî zî şirîkê rotişê kolîyanî yo.
Dewa Omnayîsî ya ke ser qezaya Berwarî ya Sêrtî ya, bi destê walî, Gerînendeyîya Daristanan a Sêrtî û cerdevanê dewa Hosyanî bi hezaran darî ameyê birnayêne û dewijan zî nêrazîbîyayêne nîşan dayê. Sey Ajansê Welatî nika zî ma kewt Herêma Besta ya mabenê sînorê Sêrtî de ya û ma birnayîşê daristanan qeyd kerd.
Beyanatê Walîyîya Şirnexî nê raşt ê!
Herêma Besta kewena mabenê Şirnex û Sêrtî. 2018î ra hetanî ewro na herême de birnayîşê daran domyeno. Her çiqas Walîyîya Şirnexî beyanat dana û vana ke ma talanê daristanan vindarnaye zî na yewî nêraşt a. Hetanî vizêr zî birnayêna daran Herêma Bestaya de domya û bi tonan kolî TIR û kamyonanan rê ameyê barkerdêne û dima zî berdê rotişî. Her wina xeylî dormeyan de lodê kolîyan zî bal anceno.
Îhaleye danê cerdevanan
Dima îhaleya Gerînendeyîya Kulturî û Daristanan a Sêrtî ke seba birnayêna daristananê dewa Omyanisî pê anenê û na îhale hetê cerdevanan ra ameyo girewtêne. Bi desan makîneyê darbirnayêne û bi gelek traktor verê xo danê herême û bêmabên daran birnenê.
Welatijê dewe ke seba ewleyîya nêwaştê nameyê xo bidê dîyar kerdê ke ê seba vindernayêna birnayîşê daran telefon Gerînendeyîya Kulturî û Daristanan a Sêrtî û cendirmeyan kerdê la dima cerdevanî, şenîyê dewe gêrayê û gef înan rê wendê.
Daristanî binê kontrolê lejkeran de yenê talankerdene
Demo ke ma kewtê Herêma Tenîre, Xwara Serdikê, Xwara Seîd, Gera Wirwiro ya dewa Omyanisî ke darî yenê birnayêne û daristan yenê talankerdene, gelek traktorê bêwayîrî qinarê daran ameyê birnayêne de vindertê. Her wina bi desan tonî darê ameyê birnayêne binê Qaleqola Berê Adga ser ameyê pêserkerdene. Ame îdiaya kerdene ke Walîyîya Sêrtî û Gerînendeyîya Kulturî û Daristanan ê Sêrtî zî şirîkê sercerdevan Medenî Bîlen û Mehmet Bîlen ê ke ê birnenê û roşenê.
‘Talan bi destê Walîyîya Sêrtî pê yeno’
Hemserekê Meclîsê Şaristanî yê Şirnexî Galîb Kulter ke dewa Omyanisî ra yo, va ke daristan bi qerarê Walîyîya Sêrtî yenê birnayêne û wina va: “Bi awayêka zordarî daristanê ma birnenê. Bi destê Walîyîya Sêrtî, cerdevanî yeno kerdene. Rîyê talankerdene êdî ma nêeşkenê dewe de heywanê xo wayîr bikerê. Xozaya ma, ê ma ya û na yewî ma qebul nêkenê.”
