Herêma Otonome ya Endulusî ya Îspanya de, rîyê adirî ra ke daristan de vejîya 12 kesî cuya xo ra bîyê, 6 kesî zî birîndar bîyê.
Vîzer şand nêzdîyê şaristanê Almerîa yê Herêma Otonome ya Endulusî de ke başûrê rojhelatê Îspanya de ca gêna, adirêko pîl daristan de vejîya û hûmara kesanê ke dinyaya xo bedilnaya vejîyaye 12 û 6 kesî zî birîndar bîyê. Servîsê Acîlî yê Endulusî verê cû eşkerayî dabî ke qezaya Los Gallardosî de şeş kesan cuya xo vîndî kerda. Rayberan dîyar kerd ke tayê welatîyan wexto ke waşt adirî ra biremê, zereyê wesayîtanê xo de cuya xo ra bîyê. Ame dîyarkerdene ke xebatê xelasnayîş û hewnakerdişê adirî dewam kenê.
Rayberan dîyar kerd ke germo zaf zêde rîskê adirî hîna zêde keno.
