Serekê Pêroyî yê EMEP’î Seyît Aslan dîyar kerd ke Tirkîya bi girankerdişê tecrîdî rê wazena verê Abdulla Ocalanî biga ke heqê Surîye de mesajan nêdo, wa rêxistinê sosyalîstî Tirkîya nêçare aştî bikê
Serekê Pêroyî yê Partîya Kedî (EMEP) Seyît Aslan heqê qewimyayişê Surîye de û hêrişê Dewleta Tirk a verba Surîyeya Bakûr û Rojhilatî de qise kerd.
Seyît Aslan dîyar kerd ke HTŞ do nêeşkeno rayberîya demoktîke Surîye de awan biko û Afganîstan sey nûmune nîşan da û vat ke hezê emperyal û Tirkîya bi rayîrê rêxistinî sey HTŞ û SMO’î wazenê Rojhîlato Mîyanên dîzayn bikê.
Aslan wina vat: “Tirkîya goreyê Amerîka, Îngîlistan û Îsraîlî hereket kena. Verê hêrişê HTŞ’î Dewleta Tirk waşt bi Beşar Esad rê pêvînayiş bikera, armancê pêvînayişî, çinkerdişê destkewteyê Kurdan bî. Peynîya beyanatî Bahçelî zî dîyar bî. Bi girankerdişê tecrîdî, tayînkerdişê qeyûman û hepskerdişê sîyasetmedarê Kurd ra waştê verê qewimyayişê Surîye bigê. Do temsîlkarêk bişînê Îmraliyî û semedê derengvistişî şîyîşê temsîlkarêkê Îmraliyî zî qewimyayişê Surîye bî. Dîyaro ke mesajê Abdullah Ocalanî tesîrê şarê Kurd û şaranê Tirkîya keno. No ser pêvînayiş qedexe kenê.”
Aştîyêka bi rûmet şert a
Aslan dîyar kerd ke aştîyêka bi rûmet a Tirkîya bi qebulkerdişê waştişî yê şarê Kurd ra pêkan o û wina qedîna: “Bi serran a Tirkîya vana; heta terorîstê peynî ma do şer bikerê. Şima çi bikerê, bi mîlyonan Kurdan do bikişê? Heta ke Tirkîya aştîya mîyanxo pê nêyara do nêeşkena bindestîya emperyalîstan xelas biba. Qatî rêxistinê çep û sosyalîst ê Tirkîya, îqtîdarî mecburî aştîye bikê.”
