88 xelatgirewtoxê Nobelî ke paştî danê Vengdayîşê Aştî û Komelê Demokratîk ê Rayberê Şarê Kurdî Abdullah Ocalanî sazgehanê mîyanneteweyîyan rê mektub erşawit.
88 kesayetanê ke Xelata Nobelî girewta, mohrê xo da bînê mektubo ke paştî dano Vengdayîşê Aştî û Komelê Demokratîk ê Rayberê Şarê Kurdî Abdullah Ocalanî. 88 kesayetanê ke Xelata Nobelî girewta, sazgehanê mîyannetewî û Serekkomarê Tirkîya rê mektubêk erşawit ke tede paştî danê vengdayîşê aştî yê Abdullah Ocalan, prosesê çareserî yê meseleyê kurd û eynî wextî de endîşeyê xo yê şert û mercanê hepisxaneyî yê Abdullah Ocalan ê 26 serran îfade kerdî.
Kesayetanê ke mohrê xo dayo binê nameyê wina vat: “Demêko winasîn de ke dinya de şer giran bîyo, vengdayîşê Birêz Ocalanî seba aştî û demokrasîyî yê Tirkîya, seba şaranê herême bîyo roşnîyêka hêvî.”
Kesayetanê ke mohrê dayo binê mektubî derheqê dewaya Rayberê Şarê Kurdî Abdullah Ocalan sazgehê mîyanneteweyî rexne kerdî û wina vat: “Sazgehê Ewropayî yê wezîfedar û Komîteya Heqanê Merdiman a Neteweyanê Yewbîyayeyan hewldayîşêko manadar nêmojna.” Mektubî de vengda sazgehanê mîyanneteweyîyan ke bikerê ke qerarê serra 2014î ê Mehkemaya Heqanê Merdiman ê Ewropayî (MHME) yê vera cezaya hepisxaneyî ya muebetî girewta, hewanê û berpirsîyarîya xo ya caardişê ‘heqê hêvî’ bîyarê ca.”
