Heyetê Îmraliyî yê DEM Partî Serekê Meclîsî Numan Kurtulmuş de pêvînayîş kerd. Pervîn Buldane derheqê pêvînayîşî de vat: “Proses resa safhayêka girînge.”
Endamanê Heyetê Îmraliyî yê DEM Partî Pervîn Buldan û Mîthat Sancarî Serekê Meclîsî Numan Kurtulmuşî de pêvînayîş kerd.
Pêvînayîşî ra dima Pervîn Buldane eşkerayîye daye û vat: “No zîyaret zîyaretê nezaketî bi. Ma Kurtulmuşî rê vat ke bixêr bo. La ma derheqê prosesê haştîye û qewimîyayîşan de zî qisey kerd. Pêvînayîş zaf pozîtîf bî.
Ma Kurtulmuşî rê sipas kenê. Ma do rojanê verê ma de tede hîna zaf qisey bikerê. Çike proses resa safhayêka girînge. Ma do rojanê verê ma de detayan vila bikerê. Ma do Devlet Bahçelî û Ozgur Ozelî de zî pêvînayîş bikerê. Ma wina fikirîyenê ke zemînê nê dîyalogan wa Meclîs bibo. Ma do dima Abdullah Ocalan de zî pêvînayîş bikerê.”
Mîthat Sancarî zî derheqê komîsyonê Meclîsî de wina vat: “Ganî no proses bi destek û beşdarîyêka pîle dewam bikero, rayîrê haştîye de gamê zixmî bierzîyê û Meclîs bikewo dewre. Pêro partî û rayaumûmîye zî wazenê ke komîsyon bêro awankerdene.’’
