Rojnameger Îrfan Aktan hesabê xo yê X’î va ke Japonya de verê weçînayîşî, sîyasetmedarê raştgîr-faşîstan ra (tay mensûbê partîya îqtîdarî zî tede), rojnameyanê sey Sankei Shimbunî, Netto-Uyo ûsn. ra wazenê ke sey “bîzê gunekare” bêrê mojnayene. Hemsereka HDK’î Meral Daniş Beştaşe zî bertek nîşan da û va ke ma bêveng nêmanê û teqipkarê ci yê.
Japonya de verê weçînayîşî, sîyasetmedarê raştgîr-faşîstan ra (tay mensûbê partîya îqtîdarî zî tede), rojnameyanê sey Sankei Shimbunî, Netto-Uyo ûsn. ra wazenê ke kurdan sey “bîzê gunekare” nîşan bidê, polîtîkayêka nijadperestî aver benê.
Babete ser o Rojnameger Îrfan Aktan hesabê xo yê X’î mejajêk pare kerd.
“Japonya de kurdî, verê Weçînayîşanê Temmuze de hetê tay partî û sîyasetmedarê raştgîr-faşîstan ra (tay mensûbê partîya îqtîdarî zî tede), rojnameyanê sey Sankei Shimbunî, Netto-Uyo ûsn. ra wazenê ke sey “bîzê gunekare” bêrê mojnayene. Wazenê ke çimeyê problemanê welatê ke 125 mîlyon nufûsê xo est o, pêro pîya 2 hezar kurdî bêrê mojnayene. Zereyê nê de zî, vatîşê nîjadperestî û şîdetî nê prosesî de ca gênê û koçberê kurdî her wext binê tehlûkeyê hêrişêkê fîzîkî de yê.
@TC_Disisleri (Wezaretê Karanê Teberî yê T.C.) û @HakanFidan ganî na babete de mesulîyetê xo bîyarê ca, bi hukmatê Japonya reyde têkilîye ronî û vera nê hêrişê nîjadperestî de, vajê ke ê hetê welatîyanê xo de yê û seba ke ê bêrê qurban kerdene, çimê xo nêqefelnê. Eynî şeklî de, @DEMGenelMerkezi yo ke verê cû semedê tesbîtkerdişê probleman û mojnayîşê ke kurdî vera nîjadperestan de bêwayîr nîyê, xeylêk reyî @JaponyaBE (Sefaretxaneyê Japonya) reyde pêvînayîşî viraştbî û heyetêko payeberz şawitbi Japonya, ganî newe ra na mesela dest bigîro û seba ke ayînê qurbankerdişî yê sîstematîk ê ke kurdî Japonya de maruz manenê, qedîyayîşê ey rê hewl bido û pêro tewir hewldanî bikero.”
Tedbîranê bitesîran bigêrê
Hemsereka HDK’î û Wekîla DEM Partîye Meral Daniş Beştaşe zî ser hesabê xo yê X’î bertekê xo nîşan da û no mesaj pare kerd: “Ma do vera hêrişanê nefrete û nîjadperestî yê ke Japonya de vera kurdan de benê, bêveng nêmanê û teqîpkarê ci yê. Ma veng danê rayedaranê Japonya ke nameyê heqanê merdiman û edaletî ser o, vera hêrişkeranê nîjadperestan de tedbîranê bitesîran bigêrê!”
