Ankara – Hemverfeka HDK’yî Meral Danîş Beştaşe da zanayene ke taloqkerdişê tetbîqkerdişê qanûnê çarçewa prosesî de endîşeyan ano meydan û vat: “Bingeyê prosesî Birêz Ocalanî ronayo. Aktoro sereke yê nê prosesî Birêz Ocalan o. Eke şert û mercê ey rind nêbê û nêeşko waranê cîyayan ê komelî reyde pêbivîno proses do senî aver şêro?”
Qanûnê çarçewa ke tebaxe de meclîs ra vîyart, hema nêkewto merîyet. Seba ke qanûn bikewo merîyet raporê teyîd û tesbîtî yê eyînî yê MGK’yî yeno pawitene. La seba nê raporî tu wext dîyar nîyo.
Beştaşe bale ante taloqkerdişanê prosesî ser o û vat: “Rayberê dewlete zaf rey derheqê prosesî de çîyê eyînî vanê la hema tu game nêameya eştene. Tepîşteyê sîyasîyî hema nêameyî verdayene û gerîlayî nêeşkenê bêrê sîyasetî.” Beştaşe sewbîna vat ke 21 rojî vîyartî zî Serekê Meclîsî Numan Kurtulmuşî seba komîsyonî partîya înan zîyaret nêkerd.
‘Ganî têkoşînêko hempar bêro averberdene’
Beştaşe bale ante tedayanê vera çapemenî û muxalefetî ser o û venga şaran da: “Ganî hêzê demokrasî, rêxistinê komelkî û rêxistinê cinîyan pîya têkoşînî hîra bikerê. Ganî şarî tena keyeyanê xo de nêmanê û nêpawê; seba ke gamî bêrê eştene ganî hereket bikerê.”
