Sîyasetmedar, nuştox û şaîr Hamît Geylanî nêweşxaneyo ke tede ameyêne dermankerdene, şi heqîya xo.
Sîyasetmedar, nuştox û şaîr Hamît Geylanî ke 1ê Temmuza 1947î de şaristanê Ûrmîye yê Rojhelatê Kurdîstanî de ameyo dinya, hetê Partîya Demokrasî û Aştî (BDP) ra amebi weçînayîş, demo 23. de bi parlamenterê Colemêrgî. Nuştox û şaîr Geylanî Anqara de nêwexweşxaneyo ke tede ameyêne dermankerdene, cuya xo vîndî kerde.
Hamît Geylanî kam o?
Keyeyê Hamît Geylanî serra 1925î de seba Serewedaritişê Şemzînanê û hedîseyanê ê demî koçê Îranî kerd. Geylanî dewa Mîrgever ê şaristanê Ûrmîye yê Rojhelatê Kurdîstanî de serra 1947î de ameyo dinya. Keyeyê Geylanî serra 1951î de bi efuyo ke hetê Partîya Demokratî ra ame eşkerakerdene, agêra dewa Dêmanê ya Şemzînanî. Geylanî Ocaxanê Kulturî yê Rojhelat ê Şorişgerî (DDKO) de dest bi sîyasetî kerd. Di serre dibîstana berzî ya endezyarîya înşaatî wend, serrêk Fakulteya Zanistananê Sîyasî ya Anqara de wend. Fakulteya Huqûqî ya Anqara serra 1979î de qedênaye.
Geylanî ke awankerdeoxanê Partîya Kede ya Şarî (HEP) ra yew bi, serekîya şaristanî ra dest pêkerd û mîyanê heme partîyanê kurdan yê ke ameyî akerdene û girewtene de, Serekîya Pêroyî zî mîyanî de her qade de wezîfe girewt. Geylanî badê HADEP’î ame girewtene, 5 serre cezaya qedexeyê sîyasetî û 3 reyî ame girewtene.
Demê avûkatî de Colemêrg, Wan, Amed, Edene, Erzirom, Anqara, Stenbol û dadgehanê Emnîyetê Berzî û dadgehanê cezayanê giranan de pawitişê heqanê însanan kerd. Reyna Dadgeha Qanûno Bingeyin û Dadgeha Heqanê Însanan a Ewropayî de pawitişê partîyanê sîyasî, şexsan û sazgehan kerd.
Kitabê Geylanî
Kitabî ke hetê Geylanî ra ameyî nuştene nê yê: Yirmi Kurşunlu Yürek (Şaîrî); Azad Nisan Yağmuru (Şaîrî); Ciwan Dengê Bê Dêngîyê’ne (Şaîrî); Zap Nehri Giryan Akar (Şaîrî); Şemdinli’den Qamışlo’ya Dağ Sevdası, Kürt Mücadelesinin En Geniş Damarı Şeyh Ubeydullah Nehri û Kürt Mücadelesinde Yarım Asır Hamit Geylani (Emîn Sari reyde)…
