Hemsereka Komeleya Cigêrayîşî ya Kurdî Remziye Alparslan derheqê Roşanê Ziwanê Kurdî de qisey kerd û va: “Ma do bi sloganê, ‘Wa statuyê kurdî pê bêro, bibo ziwanê perwerdeyî” hîna zêde waştişê xo bîyarê ziwan. Hêvîya ma a ya ke kurdî bi nasname û ziwanê xo cuya xo dewam bikerê.”
Hemsereka Komeleya Cigêrayîşî ya Kurdî Remezîye Alparslan derheqê 15ê Gulane Roşanê Zimanê Kurdî de qisey kerd û bale ant serê polîtîkayê asîmîlasyonî.
Remziye Alparslan dîyar kerd ke ziwan parçeyêk kulturî yo û va: “Kurdkî eynî wextî de tarîx a, nasname ya. Eke kurdî ziwanê xo vînî bikerê do tarîxê xo vînî bikerê. Nê semedî ra ziwan muhîm o. Ganî her wareyî de bêro şuxilnayîş. Felsefeya Tirkîya yew perest a. Nasnameyê bînî hedef yenê girewtiş. Wazenê bîyarê sewîyeyêka wina ke tu ziwan nêmano. Bîyayîşê şarê bînan tehdîd vînenê. Nê semedî ra zî muracatê her tewir astengîyan danê.”
‘Astengîyan vernîya rengê cîya pada’
Remzîye Alparslan wina dewam kerd: “Tirkîya de yew ziwan esas yeno girewtiş. No yewperestî zî vernîya pêro renganê cîya pada. Bî sebebê çinbîyayîşê ziwanê cîya. Demêk derg o destur nêdanê weşanê kurdî zî. Badê ke destur dayî weşanan na rey zî destur nêdanê qiseykerdişî. Waştî ke krîmînalîze bikerê.”
‘Semedê kurdkî tehluke est ê’
Remzîye Alparslan bale ant tehlukeyê otoasîmîlasyonî ser o û va: “Ziwano serdest wazeno ke ê bînan bipelçiqno. Pêro wareyê cuye de ziwano serdest yeno şuxilnayîş. No teda û asîmîlasyon o. Wazenê ke kurdkî çin bikerê. Çi heyf semedê kurdkî zî tehluke est o. La ganî ma kurdî hemverê nê polîtîkayan bi qiseykerdiş ziwanê xo bipawê.”
Statû û ziwanê perwerdeyî
Remzîye Alparslan wina qedêna: “Ganî statuyê huqûqî semedê kurdî bêro nasnayîş û kurdî sey ziwano fermî bêro nasnayîş. Ganî bibo ziwanê perwerdeyî. Ganî statuyê huqûqî pê bêro. Ma do 15ê Gulane de waştişê xo bi hawayêko xurt bîyarê ziwan. Her serre bi bernameyê cîya roşanê ziwanê kurdkî yeno pîrozkerdiş. Waştişê ma o yo ke heqê desturê bingehîn bêro nasnayîş.”
