Fûarê Kitaban ê Amedî domyeno û elaqa fûarî ra esto la çi heyfo ke hûmara weşanxaneyê Kurdî kêm ê. Nuştox Malmisanij seba akerdişê Ajansê Welatî vat ke no ajans seba ziwanê ma yo
Fûarê Kitaban Amedî de elaqayê wendoxan kitaban ra esto la çi heyfo ke hûmara weşanxaneyê Kurdî kêm ê. Akerdişê Ajansê Welatî zî hetê nuştox, heskerdoxê ziwanî û şarê Kurdî omîdêk ercna. Nuştox Malmisanij heqê ziwan û akerdişê Ajansê Welatî ser o qise kerd.
Hetkarîya jûbînan ra biko
Malmisanij vat ke meseleyê ziwanî zaf hetê xo estê û wina vat: “Hetê medya, weşanxane, kitabxane, rotişî esto. Medyaya dîjîtal zî zaf bi muhîm a, çimkî asan vila bena. Şar eşkeno keyeyê xo de temaşe biko, kam destê ci ra yeno wa destek bido. Hetkarîya jûbînan rê biko, no seba ma pêroyî yo.”
Malmisanij seba akerdişê Ajansê Welatî wina domna: “Nê demê ma, demê teknolojî yo, çîyê newe vejîyenê, seba Kirmanckî xebatê teknolojîkî tay ê. Ajansa Welat xêrîn bo. Ez hêvî kena ke şima hîna karê rindan bikê. Sey wina xebatê hîna zêde bibo, wina rind o. Ez bi kêfweş bîya. Na ajans seba ziwanê ma yo. Merdim destek bido yewbînan ê, her kes hetê xo ra. Jû merdim nêeşkeno her karî biko, tayê sewbî kar kenê û yewbînan temam kenê.”
