MKG’î beyanatê xo de dîyar kerdke komelo azad bêyî çapemenîya azade nê mumkun o û wina va: “8ê Adare de ma veng heme cinîyan kenê ke yewbînangirewtişî gird bikê û bibê vengê rojnamegeran. Ma do pîya têkoşînê xo yê seba dinyayêka seyyewbînan û azade bidomnê.”
Komeleya Rojnamegerê Cinî ya Mezopotamyayî (MKG) bi munasebetê 8ê Adare Roja Cinîyê Dinya beyanato nuşteyî pare kerd. MKG’î beyanatê xo de va ke 10 cinîyê rojnameger seba raştîyê ke nuştê hepisxaneyê de yê û wina va: “Vengê înan vengê ma yo. Ma do hem zere hem zî teberî de yewbînangirewtişî xurt bikê û raştîyan bivajê.”
MKG’î dewamîya beyanatê xo de wina va:
“Çapemenîya Azad, Cinîya Azad!
Ma ewro 8ê Adare Roja Cinîyê Dinya ke sembolê têkoşînê seyyewbînan, azadî û adaletî ya cinîyê dinya ya, silam kenê. Ser herraya qadîm a Mezopotamyayî de cinîyan bi têkoşînê xo yê tarîxî komel bedilna û bîyê vengê xoverdayîş û hêvîye.
10 embazê ma yê rojnameger seba raştîyan nuştê hepisxane de yê la belê ma zanenê ê nêeşkenê raştîyê zerrî bigêrê. Vengê înan vengê ma yo. Komelo azad bêyî çapemenîya azad nê mumkun o. Biciwo têkoşînê cinîyan, bijî çapemenîya azad.”
