DÎSK Basın-Îş û TGS li dijî tayînkirina qeyimê li ser Sozcu TVyê nerazîbûn nîşan dan û diyar kirin ku ev biryar derbeyeke giran li ser azadiya çapemeniyê û mafê gel ê wergirtina nûçeyan e.
Polîsan vê şeveqê bi ser avahiya Sozcu TVyê ya li Stenbolê de girt. Her wiha polîsan avêt ser malên rêveberên TVyê jî. Çend rêveberên TVyê hatin binçavkirin û polîs li avahiya televîzyonê lêgerînê pêk anîn. Fona Sîgortiya Mevduatê ya Tasarrufê (TMSF) ragihand ku qeyim tayînî ser televîzyonê hatiye kirin. DÎSK Basın-Îş û Sendîkaya Rojnemegeran a Tirkiyeyê (TGS) li ser hesabên xwe yê medya dîjîtal bertek nîşanî tayînkirina qeyimê li ser Sozcu TVyê da.
‘Qeyim darbeyekî giran e û tu carî nayê qebûlkirin’
Basin-Îş li ser hesabê xwe yê Xê derbarê qeyimê li ser Sozcu TVyê de bertek nîşan da û wiha got: “Îro qeyim tayînî ser Sozcu TVyê hatiye kirin, li dijî azadiya çapemeniyê û mafê gel ê wergirtina nûçeyan darbeyekî giran e û tu carî nayê qebûlkirin. Ev biryar ne tenê bi sedema dengekî ji ekranê, lê di heman demê de ev yek bandorê li ser bi sedan kedkarên çapemeniyê dike. Di warê teknîkî de jî rojnemegeran ber bi rewşek nediyar ve dibe û tesîrek neyînî li wan dike. Di vê dema dijwar de em li gel kedkarên Sozcu TVyê ne. Em bang li hemû raya giştî dikin; divê xwedî li mafê agahîgirtinê û çapemeniyê derkeve.”
‘Divê desthilat dest ji vê sepanê berde’
Sendîkaya Rojnemegeran a Tirkiyeyê jî diyar kir ku di pêla qeyiman bi Tele1 dest pê kir bi Halk TVyê berdewam kir û niha jî Sozcu TV hate desteserkirin û di parvekirina xwe de ev yek anî ziman: “Ev êriş e û li ser wergirtina mafê gel ê agahîgirtinê ye. Mafê nûçegwergirtinê dike armanc. Qeyimên ku li ser kanalan tên bicihkirin rê li ber agahî girtina gel digire. Em bang li desthilatê dikin ku demildest dev ji sepanên xwe berde û rêzê li azadiya çapemeniyê û mafê gel yê wergirtina aghiyan bigire.”













