Cenazeyê girtiyê nexweş Tuncer Saglam ê ku li nexweşxaneya lê dihat dermankirin jiyana xwe ji dest da, li gundê Kolo yê girêdayî navçeya Qelqeliyê bi girseyî hat veşartin.
Girtiyê nexweş Tuncer Saglam ku di sala 2025an de li Wanê bi îdiaya “propagandaya rêxistinê” hatibû girtin û li Girtîgeha Ewlehiya Bilind a Wanê dihat ragirtin, piştî ku rewşa wî ya tenduristiyê giran bû di 9ê Cotmehê de sewq Girtîgeha Hejmar 2 ya Sîncanê ya Enqereyê hat kirin. Tuncer Saglam ku ev 25 roj bûn li Nexweşxaneya Bajêr a Etlîkê ya Enqereyê dihat dermankirin û hatibû entûbekirin, duh di saetên serê sibehê de jiyana xwe ji dest da. Cenazeyê Tuncer Saglam duh şev gihişt Wanê û ew birin morga Goristana Akkopruyê ya li navçeya Tûşbayê.
Vê serê sibê Malbata Saglam, nûnerên Komeleya Piştevanî û Alîkariya bi Malbatên Girtî û Hikûmxwaran re (TUHAY-DER) a Wanê, Partiya Herêmên Demokratîk (DBP) û DEM Partî û gelek kesên din cenaze ji morgê hilgirtin û birin gundê wî Kolo yê girêdayî navçeya Qelqeliyê. Cenaze li gundê Koloyê bi girseyî dirûşman hate veşartin.
