MEBYA-DER ji bo cangoriyên Kurdistanê li Stenbolê bi malbatên şehîdan re civiya.
Komeleya Çand, Yekîtî, Piştevanî û Alîkariyê ya bi Malbatên Xizmên Xwe di Dêrgûşa Şaristaniyê de Winda Kirine re (MEBYA-DER) ya Stenbolê li Eywana Dawetê ya li navçeya Kagitxaneyê bi malbatên şehîdan re civiya. Malbatên şehîdan, Dayikên Aştiyê, endam û rêveberên partiyên siyasî û nûnerên saziyên civakî û gelek kes tev li civînê bû. Li eywanê pankartên “Şehîd namirin” “Malbat şopdarê şehîdên xwe ne” û “Di şopa şehîdan de ber bi rêbertî û civaka azad” hatin daliqandin. Bername bi xwendina qûranê ji bo şehîdên Kurdistanê dest pê kir. Paşê deqîqeyekî rêz hate girtin.
‘Di nava her yekî me de şehîdek heye’
Hevserokên MEBYA-DERê Hulya Îlbars û Îlhamî Kurt gel silav kirin. Dûre Nedîm Yilmaz ê ku piştî 33 salan ji hepsê hatiye berdan axivî û anî ziman ku ew bi hev re cangoriyên xwe pêşwazî kirin û got: “Di nava her yekî me de şehîdek heye. Em niha li ser sifreyekî de kombûn e. Ev sifre sifreya ku ji aliyê Serok Apo ve hatiye amadekirin. Sifre li malê tê danîn. Ev mal Kurdistan e.
Di dawiyê de xwarin hate xwarin û bername bi dawî bû.
