Heyetê Rayraberdişî yê Merkezî yê DEM Partî serekîya Hemserekanê Pêroyî Tulay Hatîmogullari û Tuncer Bakirhanî de bi rojeva Prosesê Aştîye û Komelê Demokratîkî û averşîyayîşanê peyênan kom bî.
Heyetê Rayraberdişî yê Merkezî (MYK) yê DEM Partî serekîya Hemserekanê Pêroyî Tulay Hatîmogullari û Tuncer Bakirhanî de Merkezê Pêroyî yê partî de kom bî. Ame zanayene ke kombîyayîşî de nê babetî do bêrê munaqeşekerdene:
- Derheqê Prosesê Aştîye û Komelê Demokratîkî û sîyasetî de averşîyayîşê peyênî,
- Koordînasyonê Bêçekbîyayîş û Stratejî ke Abdullah Ocalan do koordîne bikero û derheqê wezîfeyê ey de munaqeşeyî,
- Eşkerayîya peyêne ya Îdareyê Têgêrayîşê Azadîye û wezîfeyê Meclîsî,
- Gamê ke ganî bêrê eştene û badê awanbîyayîşê Komîsyonê Çimdarî rolê Meclîsî,
- Dizdîya fonan û çîyê ke ganî bêrê kerdene,
- Tedayê ke muxalefet û çapemenîye ser o yê,
- Planê 15 rojan.
