Serrgêra 11. yê Qirkerdişê Garê Anqarayî de DÎSK, KESK, TMMOB, TTB û Komeleya Aşitîya 10ê Teşrîna Verêne pêrûne pîya rojnamegeran ra pêvînayîşek kerd û programê yadkerdişî û waştişê edaletî eşkera kerd.
Waştişê mehkemekerdişê berpirsîyaran: Komeleyan va, qirkerdiş tena bi di kesanê IŞİD’i ra nêbi. Îhmal û berpirsiyarîya xebatkaranê dewlete hema zî bî terzêko rast û hîra nêameyo lêkolînkerdene. Eşkerayîye de ame vatene ke qirkerdîş gani sey sucê mordemîye bêro hesabnayeene û gani pêro berpirsîyarî bêrê mehkemekerdene.
Proseyê hukukî û gamê AİHM’i: 2026 de Serdozgerîya Serêne ya Entabî derheqê tayê xebatkaranê dewlete de sebebê wextovîyarteyî nîşan da û cipersayiş red kerd û Mehkemaya Ewleyîye ya Dewlete (AYM) zî seredayîşî qebul nêkerdî. Peynîyê de dosya şîye Mehkemeyê Heqanê Mordeman yê Ewropa (AİHM).
Halê peyên yê tometkerdeyan: Omer Deniz Dundar ro ke fîrar bî newe emser ame verê hakimî. Derheqê Savaş Yildizî de MİT û Emniyetî rê name nuşîyayo.
Programa yadkerdışê 10 Ekimî: Şemeyê 10ê Teşrîna Verêne saete 09.00 de verê Metroya Ulusî de kombîyayiş beno û ûcara heta Meydanê Garî yê Anqara rayîrşîyayiş beno. Saeta 10.04 de, wextê teqîyayişî de, vindertişê rêzgirewtişî beno. Yewşeme 11ê Teşrîna Verêne de zî Goristanê Karşiyaka de yadkerdiş beno.
