Pêkewtişo ke bi hêrişê rejîmê Îranî yê vera çalakîyanê “Îneyo Gonîn” dest pêkerdibî, her ke şono gird benê.
Zordestî û hêrişê hêzanê Îranî vera muxalîfan û şaranê cîya-cîyan dewam keno. Badê ke Jîna Amînî ame kiştiş, 30ê êlule de, Zahîdanî de badê nimajê îne, hezaran kesî vejîyayê kuçeyan û hêzanê rejîmî raşteraşt hêriş înan ser o kerd. Netîceyê hêrişî de xeylî kesî cuya xo ra bîyî.
Vizêrî, wîlayetê Sîstan û Belucîstan de, seba serrgêra çalakîyan, protestoyî ameyê viraştiş û hêzanê rejîmî protestokaran ser o hêriş kerd. Hêrişê hêzanê rejîmî demêko kilm de vurîyayê pêkewtişan. Pêkewtişê ke verê vizêrî dest pêkerdibî, hema zî dewam kenê.
Goreyê agahîyanê ke ameyê bidestkewtiş, pêkewtişê çekdarî şaristananê Raskî û Zahîdanî de zêdeyêr zehmet bîyî.
