Bi destpêkerdişê pêkewtişanê Amerîka û Îranî yê neweyî reyde vayîya petrolê Brentî vejîya 90 dolaran ra ser.
Badê ke artêşa Amerîka Girawa Larkî ya stratejîke ya Tengawa Hurmuzî hedef girewt û Îranî mîsîlleme kerd, mabênê Amerîka û Îranî de reyna pêkewtişî vejîyayî. Bi destpêkerdişê pêkewtişan bazaranê petrolî de arz zêde bî û badê hemleyan vayîya varîla petrolê Brentî vejîya 90 dolaran ra ser.
Vayîya petrolî badê ke tansyonê leşkerî Rojhelatê Mîyanênî de reyna berz bî, hewteyî bi berzbîyayîşî dest pêkerd. Vayîya varîla petrolê Brentî saetanê şodirî de resaye 90.39 dolaran. Petrolo xam ê tewirê Teksasê Rojawanî (WTI) zî sewîyeya 84.69 dolaran de ame rotiş û girewtiş.
