Neteweyê Yewbîyayan (NY) şerê Ûkrayna de ke bi hêrişê hîrayî yê Rusya dest pêkerd, hezar û 4 hedîseyanê şîdetê cinsî tespît kerd. Goreyê NY’î ra nê hedîseyan yew ame sereyê gedeyê 4 serre yî.
Yeno vatiş ke şerê Ûkrayna de şîdetî cinsî sey wasitaya zordarî, teda û îşkenceyê hemverê êsîranê şer û sîvîlan yenê şuxulnayene.
Goreyê raporî Komîserîya Berze ya Heqanê Merdiman ê Neteweyanê Yewbîyayanê ke 18ê êlule de weşana, mabênê 24ê sibate 2022 û 31ê temmuze 2026î de hezar û 4 hedîseyê şîdetê cinsî yê semedê şerî ameyê tespîtkerdene. Neteweyê Yewbîyayeyî dîyar kenê ke %89ê yê nê hedîseyan hetê hêzanê girêdayeyê Rûsya ra %11î zî hetê hêzanê girêdayeyê Ûkrayna ra ameyê kerdene.
Rapor de ame eşkerakerdene ke goreyê tayê doneyan şîdetê cinsî taybetî herêmanê ke binê kontrolê Rûsya de yê û merkezê destbendkerdişî de bi hawayêko sîstematîk ameyo kerdene. NY’yî dîyar kerd ke cinî û gedeyan reyde sewbîna xeylê êsîrê şerî yê camêrdî zî mexdûrê hedîseyanê şîdetê cinsî yê.
Hedîseyanê şîdetê cinsî yê wextê şerî de vera gedeyan yenê kerdiş şîdetê cînsî yê wextî şerî de vera gedeyan yeno kerdiş, bîyî babeta tehqîqatî yê mîyanneteweyîye. Cigêrayîşê NY’yî dîyar kenê ke hedîseyê mexdurîyetê est ê ke resenê gedeyanê 4 serran.
Sewbîna NY’yî hîşyarî dano ke hezar û 4 hedîseyî ameyê tesbîtkerdiş, tena şîdetê cînsî yê wextê şerî de nîyê, beno ke hûmara raştî zêdeyêr bo.
