Komîsyona Girtîgehan a Şaxa ÎHDa Stenbolê bal kişand ser rewşa girtiyê nexweş Hamdullah Aydemîr û diyar kir ku tevî rapora ji sedî 90 a astengdariyê jî Davut Mînaz nayê berdan û wiha got: “Beriya 5 rojan dîsa rakirin nexweşxaneyê û gurçikên wî îflas kir. Davût Mînaz nayê berdan û bi vî awayî diterikin mirinê.”
Komîsyona Girtîgehan a Şaxa Komeleya Mafên Mirovan (ÎHD) a Stenbolê çalakiya “Rûniştina Fyê” ya 751emîn a du hefteyan carekê tê pêkanîn, li pêşiya avahiya komeleya xwe ya li navçeya Beyoglûyê li dar xist. Aktivîstên mafên mirovan, malbatên girtiyan û nûnerên rêxistinên siyasî û sivîl tev li çalakiyê bûn. Parêzvanên mafên mirovan di çalakiya vê hefteyê de bal kişandin ser rewşa girtiyê nexweş Davût Mînaz ê ku hê jî di Girtîgeha Umraniyeyê ya Tîpa Eyê tê ragirtin.
Endamê Tevgera Sosyalîst Demokrasiyê Mûsa Pîroglû daxuyaniyê xwend.
Mûsa Pîroglû diyar kir ku di hefteya 751an de rewşa Davût Mînaz a parve dikin û wiha got: “Davût Mînaz hê jî di Girtîgeha Umraniyeyê ya Tîpa Eyê tê ragirtin. Nexweşiyên Davût Mînaz Atipik Hemolîtîk Uremîk Sendrom (HUS), Anemiya Akdenîz û gurçikê heye. Bi sedema van nexweşiyan gelek astengî dijî. Ji bo jiyana xwe berdewam bike divê bi ahengdar tedawiya xwe bibe. Davût Mînaz divê hefteyê 3 rojan bikeve diyalîzê. Lê tevahî rewşa nebaş a girtîgehê jî daxwaza taloqkirina înfazê nayê qebûlkirin. Li gorî agahiyan malbatê Davût Mînaz berî were girtin neqla gurçikê hatibû kirin. Dema ku tedawiya wî berdewam dikir cezaya Davût Mînaz di 3yê sala 2026an de hate erêkirin û ket Girtîgeha Umraniyeyê ya Tîpa Eyê. Li vir 40 roj hate ragirtin, ji 40 rojan 20 rojan di nexweşxaneyê de hate tedawîkirin. Davût Mînaz bi kelemçê hate tedawîkirin. Piştî tedawî bi dawî bû Davût Mînaz birin Girtîgeha Marmarayê. Li vir jî rewşa wî giran bû wî rakirin nexweşxaneyê û mehekî hate tedawîkirin. Piştî tedawiya li vir wî dîsa birin Girtîgeha Umraniyeyê ya Tîpa Eyê. Beriya 5 rojan dîsa rakirin nexweşxaneyê û gurçikên xwe îflas kir. Davût Mînaz nayê berdan û bi vî awayî diterikin mirinê.”
Bavê Davût Mînaz Îdrîs Mînaz anî ziman ku 2 meh cezaya kurê wî maye û wiha got: “Tiba Edlî dizanê ku kurê min tedawî bibe, lê belê biryara dikare di girtîgehê de bimîne daye. Kurê min îro naxwazê tedawî bibe. Ji ber ku rewşa girtîgehê nebaş e. Em dixwaxin kurê min demildest were berdan û tedawî bibe.”
Piştî axaftinan çalakî bi dawî bû.
