Fermandarîya Hêzanê Merkezî yê Amerîka (CENTCOM) dîyar kerd ke Îran bê zextanê şîdetî helwestê xo nêvurneno û wina vat: “Teberê şerê vera Îranî de tu rayîrêko bîn çin o.”
Goreyê raporê Kanala 13 yê Îsraîlî, Fermandarê Fermandarîya Merkezî ya Artêşa Amerîka (CENTCOM) Amîral Brad Cooper zîyaretê xo yê Tel Avîvî de û pêvînayîşê xo yê bi Serekerkanê Pêroyî û Fermandaranê Berzan ê Artêşa Îsraîlî de pare kerdo ke verê Washîngtonî de teberê şerê vera Îranî de tu opsîyonêko bîn nêmaneno.
Amîral Brad Cooper pare kerdo ke, pirodayîşê binawanîya stratejîke ya Îranî ke tede qerta petrol, gaz û elektrîkî zî esta, do hemsencî bivurno. Bi vatenê Cooperî, Tehran bê tazîqanê şîdetî ey bi nê qeydeyî helwestê xo nêvurneno.
Sewbîna Amîral Brad Cooper da zanayene ke, wexto ke Amerîka hewcedarî bi pirodayîşê Îranî bivîno, do hewcedarîya ci bi hetkarîya Îsraîlî bibo.
