Rûsya eşkera kerd ke înan şewêke de 15 herêmanê Rûsya û Deryayê Azovî ser o, 397 dronê Ukrayna ardê war. Rayedaranê Ukrayna eşkera kerd ke hêrişanê Rûsya yê vera Kîevî de 3 kesî ameyê kiştiş.
Wezaretê Pawitişî yê Rûsya dîyar kerd ke sîstemê înan ê hewayî şewa verêne 397 dronê Ukrayna îmha kerdê. Wezaretî da zanayîş ke dronan herêmê Belgorod, Bryansk, Voronezh, Kursk, Lipetsk, Oryol, Penza, Rostov, Ryazan, Samara, Saratov, Tambov û Tula, Krasnodar, nêmgirawê Qirim û Deryayê Azovî kerdo hedef.
Goreyê rayedaranê herême yê Rûsya, teberê Zadonskê yê herêmê Lipetskî de 2 kesî birîndar bîyî, zerar resayo 4 keyeyan, wesayîteke û xetê ceyranî. Moskova eşkera kerd ke înan 3 dronî ke ver bi paytextî şinê ardê war.
Rayedaranê herêmê Samarayî îfade kerd ke hêrişêk tesîsê endustrîyêk ser o bîyo, eynî wextî de vermendeyê dronê ke ameyê vistiş, rafînerê petrolî yê Ilsky yê herêmê Krasnodarî de bîyî sebebê şewatî. Goreyê agahîyan hêrişan de 5 kesî birîndar bîyî.
Rayedaranê Ukrayna zî ewro, serê sibayî eşkera kerd ke hêrişanê Rûsya yê herêmê vakurê rojavayê Kîevî de înan ra yew gede, 3 kesî ameyê kiştiş û zerarê madî zî virazîyê.
