Cigirê Hevserokên Giştî yê DEM Partiyê Tayîp Temel di nivîsa xwe rojnameya Yenîyaşamê de bal kişand ser hevdîtina dawî ya Rêberê Gelê Kurd Abdullah Ocalan bi heyeta DEM Partiyê re û wiha qal kir: “”Serok Abdullah Ocalan dibêje rewş veuheriye kişika yek kesî.”
Cigirê Hevserokên Giştî yê DEM Partiyê ji Çapemenî û Propandayê Berpirsyar Tayîp Temel ji bo Rojnameya Yenîyaşamê nivîsek nivisî. Tayîp Temel di nivîsa xwe de cih da hevdîtina dawî ya heyeta DEM Partiyê ya Îmraliyê bi Rêberê Gelê Kurd Abdullah Ocalan re û qala nirxandinên Rêberê Gelê Kurd Abdullah Ocalan ku qet di çapemeniyê de derneketiye kir.
Di nivîsa Tayîp Temel a bi sernavê, “Li Girava Îmraliyê kişika yek kesî: Rexneyên Ocalan ji bo aliyan” hat weşandin de qala pirtûka Kişikê Stefan Zweig dike û li ser pirtûkê mînakan parve dike. Tayîp Temel di nivîsa xwe de balê dikşînê ser hevdîtina dawî ya heyeta DEM Partiyê bi Rêberê Gelê Kurd Abdullah Ocalan re û wiha dibêje: “Serok Abdullah Ocalan dibêje rewş vediguheriya kişika yek kesî. Piştî demekê ji ber ku muhatap berpirsyariyê nagirine diyalog û muzakere dibe lîstika xwe bi xwe û li dijî xwe û dema wisa dibe jî rewşeke dehşet digire.” Ew gotin ne gotinên wisa ji rêzê ne. Ev îfade, di tecrîda ku bi salên dirêj belav dibe de, dijwarî û paradoksa ku ramanên siyasî û pratîka muzakere pê re rû bi rû dimînin, bi metaforeke xurt vedibêje.
Nivîsa Tayîp Temel a di rojnameya Yenî Yaşamê de wiha dibêje: “Em dîsa vegerin ser metafora “kişika yekkesî”. Serok Ocalan li Îmraliyê di şert û mercên sînorkirî de, li aliyekî hêviyên tevgera xwe û gelê xwe, li aliyê din jî daxwazên civaka Tirkiyeyê, fikarên dewletê û pêdiviyên pêşerojê di heman hişê de temsîl bike û ji pirsgirêkan re çareserî biafirîne, dixebite. Muzakere û siyaset hema hema ji pêvajoyeke pir-alî ya di navbera lîstikvanên muhatab de derdikeve û dibe kişika ku hemû barê wê dikeve ser milê yek lîstikvanî. Bîranîna qehremanê Zweig, Dr. B., tam li vir girîng dibe. Destpêkê kişik wî li ser lingan digire. Nêrîn, analîz kirin û hilberîna hevokên lîstikê, hêviya jiyanê ya ku dixwazin têk bibin, diparêze. Sînorê krîtîk ê hişyariya Serok Ocalan jî mîna yê çîrokê ye. Her ku Dr. B. kişika yekkesî pêşdetir dibe, heman mekanîzm berevajî dibe û wî bi barekî dehşetê re rû bi rû dihêle. Her dem bi xwe re lîstin û li dijî xwe hevokên lîstikê çêkirin, nahêle ku rola xwe ya rastîn bilîze. Dijber êdî ne rast e; rûbirûbûn vediguhere qada dehşetê.”
Tayîp Temel di nivîsa xwe de balê dikşîne ser gotinên Rêberê Gelê Kurd Abdullah Ocalan, “Ez li muxatabeke digerim” û dibêje ew lêgerin bi hewldan û keda Rêberê Gelê Kurd Abdullah Ocalan hatiye asteke lê ji ber lewazbûna îrade û biryardariyê muxatabî hê bi pirsgirêk e.
Tevahiya nivîsê dikarin li ser vê lînkê bixwînin; https://yeniyasamgazetesi9.com/imralida-tek-kisilik-satranc-ocalanin-taraflara-elestirisi/
