Serekê Pêroyî yê MHP’yî Devlet Bahçelî derheqê qanûnê çarçewa û heqê hêvî yê Rayberê Şarê Kurdî Abdullah Ocalanî de dîyar kerd ke ganî heqê hêvî yê seba Abdullah Ocalanî zî bêro caardene.
Serekê Pêroyî yê MHP’yî Devlet Bahçelî derheqê prosesê Aştî û Komelê Demokratîkî û qanünê çarçewa de Mudirê Pêroyî yê Ajansê Xeberan ê Millet rê qisey kerd. Devlet Bahçelî derheqê verkarê qanûnê çarçewa û îmzakerdişê verkarî de dîyar kerd ke a îmza yena manaya caardişê birayîya hezaran serran û vat ke 86 mîlyon welatijî û şarê Rojhelatê Mîyanên do tira îstîfade bikerê.
Devlet Bahçelîyî da zanayene ke Hemserekê Pêroyî yê HDP’yî yo verên Selahattîn Demîrtaş ke Hepisxaneyê Edirne de girewte yo bi rayîrê avûkatan mîyanê têkilî de yo û Demîrtaşî reyde têkilîyêka ey a hole est a. Sewbîna Bahçelî serê eşkerayîyanê verênan zî reyna dîyar kerd ke ganî Demîrtaş agêro keyeyê xo, Ahmet Turk û Ahmet Ozer ê ke cayê înan de qeyûm ameyo tayînkerdene, agêrê serê karê xo û waşt ke Rayberê Şarê Kurdî Abdullah Ocalan zî heqê hêvî ra îstîfade bikero.
Devlet Bahçelîyî dîyar kerd ke amancê înan o yo ke aramî Tirkîya û herême bêra ca.
