WFPyî da zanayene ke Sûdan de nêzdîyê 19.5 mîlyon kesî bêewleyîya xidayî reyde rî bi rî yê û nêzdîyê 825 hezar gedeyî binê tehlukeya kêmîya giran a xida de yê.
Programê Xida ê Dinya (WFP) bale ant krîzê vêşanîye yo domdar ê Sûdanî ser o û da zanayene ke nêzdîyê 19.5 mîlyon kesî rîyê şer, rewşa aborî ya xirabe, astengîyanê berardişê ramitişî û vayîya xidayanê bingeyênan ra binê bêewleyîya giran a xida de yê.
Goreyê WFP’yî, nêzdîyê 825 hezar gedeyî binê tehlukeya kêmîya giran a xida de yê.
WFPyî dîyar kerd ke kêmîya domdar a xidayan û xizmetanê weşîye tesîrê mergan keno, bi taybetî mîyanê gedeyan, cinîyanê diganan û mayê ke şit danê pîçekanê xo.
WFPyî da zanayene ke rixmê meseleyanê ewleyî û lojîstîkî, cayan de ke binê tehlukeya vêşanîye de resayo nêzdîyê se ra 80ê û da zanayene ke lazimtîyê merdimîye çimeyanê amadeyan ra zaf zêde yo.
WFPyî veng da komelê mîyanneteweyî ke bi lez 579 mîlyon dolarî seba piştgîrîya xebata xo ya heta aşma temmuze ya vernîya ma bierşawê.
