Eşkera bi ke verê ke Gulîstan Doku bêra vîndîkerdiş hetê POL-NET’î ra xeylê ciperseayîşê bêqanûnî derheqê aye de ameyê kerdene.
Derheqê dosyaya Gulîstan Doku de ke bi destê wezîfedaranê dewlete ame vîndîkerdene, her roje averşîyayîşê neweyî vejîyenê meydan. Verê ke Gulîstan Doku bêro vîndîkerdene, derheqê aye de zaf agahîyî newe vejîyenê. Goreyê xebera muxabîra JinNews’î Şehrîban Aslane; ame eşkerakerdene ke polîs û wezîfedaranê dewlete ê ke çarçewaya cipersayîşê Gulîstan Doku de ameyî destbendkerdene, di aşmî verê ke Gulîstan Doku bêro vîndîkerdene, bi rayîrê POL-NET’î xeylî ciperseayîşê bêqanûnî derheqê aye de ameyê kerdene.
Çarçewaya cipersayîşî yan zî dosyaya Gulîstan Doku de pêlê destbendkerden û girewtişan dewam kenê 27ê temmuze de eynî çarçewaye de Serdozgerîya Komare ya Erziromî derheqê 18 kesan de qerarê destbendkerdene dabî û ê kesî ameybî destbendkerdene.
Polîs û leşkerî zî mîyanê gumanbaran de yê
Ame zanayene ke hema hema heme kesê ke ameyê destbendkerdene memurê dewlete, polîs û leşker ê û polîsan tar,xanê cîyayan de bi rayîrê aplîkasyonê POL-NET’î ciperseayîşê bêqanûnî derheqê Gulîstan Doku de ameyê kerdene.
Belge yê ke hetê JinNews’î ra ameyê destfînayene; mojnenê ke verê ke Gulîstan Doku bêro vîndîkerdene, 25ê teşrîna peyêna 2019î de, polîsêk bi nameyê M.K., ke Ofîsê Cayê Keye yê Daîreyê Polîsan ê Dêrsimî de xebetêno, saete 16:14î de bi xebatnayîşê aplîkasyonê ewleyî yê POLCEP’î bi hûmara nasnameyê Komara Tirkîya ya Gulîstan Doku persayo. Reyna ame fehmkerdene ke eynî polîsî mabenê saetanê 08:08 û 08:47î de çar rey û 4ê teşrîna verêna 2019î de zî saete 17:49î de rayêke sîstemî ser o cipersayîşê Gulîstan Doku kerdo.
Cipersayîşo bêqanûn
Belgeyê de yeno vatene ke polîsêko bîn ke bi nameyê C.S., dîyar kerdo ke Gulîstan Doku 4ê çileyê 2020î de, saete 22:41î de, rojeke verê cû ke vîndî bibo, sîstemî de derheqê aye de cipersayîş ameyo kerdene.
Polîs E.B. ke Mudurîyetê Polîsan ê Dêrsimî de xebetêno, 5ê çileyê 2020î de, rojo ke Gulîstan Doku vîndî bîya, saete 23:35î de, sîstemî ser o bi hûmara nasnameyî cipersayîşê Gulîstan Doku kerdo. Balkêş o ke, o ewnîyo fotografê nasnameye, ehlîyetnameyî, ewleyîyê taybetî, eşkalê krîmînalî û fotografê pasaportî.
Reyna goreyê belgeyî, E. B. eynî roje de xeylî rey sîstemî ser o cipersayîşê Gulîstan doku kerdo.
