Partîya Demokrat a Kurdîstanî-Îranî eşkera kerd ke Îranî bi dronan hêrişê qerargehanê hêzanê înan ê Dola Balîsanî kerd. La heta nika zerarê can û madî de agahîyêka zelale nêameye girewtiş.
Partîya Demokrat a Kurdîstanî-Îranî derheqê êrîşêko nû yê Îranî ê serê baregehanê înan de eşkerayîyêke vîla kerd.
Eşkerayî de PDK’yî dîyar kerd ke mîyanê rojî de reya bîne Îranî bi dronan hêrîşê qerargehê hêzanê înan ê Dola Balîsanî kerd ke sînorê qezaya Şeqlawa ya girêdayeyê Hewlêrî ya.
Dewamê eşkerayî de bale ant ser ke hetanî nika bi 143 dron û fuzeyan hêrişê qerargeh û merkezanê hêzanê înan ê Herêma Kurdîstanî kerdo.
Erjeno merdim vajo ke destpêkerdişê hêrişanê Amerîka yê serê Îranî reyde, hemverê ci de Îranî hêrîşê xo yê vera Herêma Kurdîstanî û welatanê Kendawe dayê destpêkerdiş. Nê hêrişanê peyênan de zerarê can û madî ameyî meydan.
