Meşte cenazaya Hemşaredarê Xinûsî yê verênî Hasan Basrî Firatî ke tornê Şêx Seîdî yo, do Dortmund ra ver bi warê ci bêro erşawitiş.
Hemşaredarê Xinûsî yê verênî Hasan Basrî Firat ke tornê Şêx Seîdî yo roja 27ê temmuze Almanya de dinyaya xo bedelnaybî. Seba Hasan Basrî do meşte saete 10:30î de şaristanê Dortmund ê Almanya de merasimê cenaza bêro viraştiş. Badê merasimî do cenaza ewil bierşawê Stenbol û uca ra zî ver bi Xinûs rayîr bikerê.
Ame dîyarkerdene ke cenaza do 31ê temmuze roja îne saete 09:00î de biresa Teyaragehê Erziromî û cenaza uca ra berê dewa Qolhesare. Badê ke cenaza şêra dewe, do badê nimajê îne goristanê dewa Qolhesare yê Xinûsî de bêra definkerdiş.
Keye û Merdimanê Hasan Basrî Firatî dîyar kerd ke badê merasimê definkerdişî, do hîrê rojî dewe de tezîye bêra ronayîş.
