Pîyê di şehîdan Fevzî Akbulut şaristanê Den Haagê Hollanda de nêweşî ver cuya xo ra bî cenazaya ey ewro Goma Xiştan a ke girêdayê Karakoçanî ya bi merasimê ke ame oxirkerdene.
Fevzî Akbulut vera tedayanê dewlete mecbur mend vejîyo teberê welatî û Şaristanê Den Haag ê Hollanda de surgun de ciwîyayene û demêko tedawîyê nêweşî dînê 3ê temmuze de cuya xo ra bî.
Fevzî Akbulut qezaya Korakoçan dewa Goma Xiştan ra bî, demêko derg gureyê baytarî kerd. Badê ke gedeyê ey tewrê Têgêrayîşê Azadîya Kurdîstanî bî, rastê teda û cipersayîşê dewlete ame û nê prosesî dima Têgêrayîşê Azadîya Kurdîstanî hîna nêzdî ra naskerd û uca ra nat cuya xo seba têkoşînê demokrasî û azadî vîyarna.
Fevzî Akbulut zaf rayan ame destbendkerdene û hinî dewayan ser ame mehkemakerdene. Tewr peynî de 2015 de çarçewaya di hebî dosyayan cîyayan ra ame mehkemekerdene. Vera tedayanê dewlete mecbûr mend û vejîya teberê welatî. 2018 ra nat Hollanda de surgun de cuya xo ramitêne.
Roja 3ê temmuze de Fevzî Akbulut cuya xo ra bî, Fevzî Akbulut pîyê di şehîdan bî. Kênaya ey Şirin Akbulut (Pêrî) 21ê temmuze 1994 de herêma Besta Botan de; Lajê ey Huseyîn Akbulut (Tîrêj) 12 temmuze 1997 de Metîna de şehîd kewt. Xoverdayîşê Tîrêjî ser, Herêma Pawitişê Medya de hetê rejîsoro şehît Halil Uysalî ra bi nameyê ‘Tîrêj’ fîlmêko metraj derg viraşt bî.
