Hukmatê Hollanda girewtişê berhemanê wargehan ê nêqanûnî yê Îsraîlî yê ke serê erdê Filîstînî yê îşxalkerde de yê, 22ê êlule ra dima welatê xo de qedexe keno.
Wezaretê Karanê Teberî yê Hollanda eşkera kerd ke berhemê Îsraîlî yê ke erdê Filîstînî yê îşxalkerde yî de bi hawayêko nêqanunî yenê viraştene, 22ê êlule da dima do bêrê qedexekerdene.
Îsraîl serra 1967î ra nat Şerîaya Rojavayî binê îşxalî de tepişeno. Şerîaya Rojavayî de nêzdîyê 500 hezar roniştoxê Îsraîlî û nêzdîyê 3 mîlyon Filîstînijî ciwîyenê.
Yewîya Ewropa her çend na aşme de zaf welatan paştî dabi qedexeyê îthalatê berhemanê Îsraîlî zî, yew qeraro hempar nêvirazîya. Îrlanda, Belçîka û Spanya zî verê cû astengîyê xo yê bazarî yê neteweyî kewtbî pratîk.
Ame dîyarkerdene ke destpêkê şerê Xeza ra nat, Şerîaya Rojava ya îşxalkerde de hedîseyê şîdetî zêde bîyê. Neteweyê Yewbîyayan û rêxistinê heqanê merdiman dîyar kenê ke hêrişê Îsraîlî yê vera Filîstînijan her roj qewmîyenê.
