KOMAWî bi munasebetê serrgêra şehadetê kadroyanê awankerdoxan ê PKK’yî ra Alî Haydar Kaytanî mesajêk pare kerd û wina vat: “Ma sey keyeyanê şehîdan, nê lajê kurdî yê qehremanî heme xebatanê xo de sey mamosteyêko rayrabe esas bigîrî. Kurdî do Alî Haydar Kaytanî çiray xo vîr ra nêkerî.”
Komeleya Keyeyanê Şehîd û Vîndîbîyeyanê Kurdîstanî (KOMAW), seba serrgêra şehadetê awankerdoxanê PKK’yî ra Alî Haydar Kaytanî eşkerayîyêka nuştekî pare kerd.
Eşkerayî de wina ame vatene: “Awankerdoxanê PKK’yî ra Alî Haydar Kaytan ke 3yê temmuza 2018î de şehîd bibi, serrgêra şehadetê ey de ma ey bi hurmet yad kenê û vernîya vîrameyîşanê ey de bi hurmet sereyê xo tewnenê. Ma sey keyeyanê şehîdan, nê lajê kurdî yê qehremanî heme xebatanê xo de sey mamosteyêko rayraber esas bigîrî. O do her tim zerrîya şarê kurdî de sey rayraberêk biciwîyo. Tayê şorişgirî est ê ke tu wext xo vîr ra nêbenî. Çunke o mîyanê emrê xo de her tim seba şarê xo fedakarî, kede û têkoşîn kerd; cuya xo ya şorişgirî de seba şarê xo bi, sey şorişgêr, leşker, fermandar û mamoste. Bi heme hetanê xo têkoşînê kurdî de bi nimûne. Kurdî do şehîd Alî Haydar Kaytanî tu wext xo vîr ra nêkerî.
Cuya şehîd Alî Haydar Kaytanî raştî de tarîxê PKK’yî yo. Demanê bînan de no tarîx do mektebanê kurdan de sey derse bêro wendiş û do fersendêko winasî bibo ke nê şorişgirê qehremanî bi hawayêko xurt bêrê naskerdene. Ma sey keyeyanê şehîdan tu wext xatirê xo to ra nêwazenî. Çunke ti bi vîrameyîşanê xo do her tim mîyanê cuya ma de ca bigîrî û ti do bibî rayberê rayîr û têkoşînê ma.
Embaz şehîd Fuat pîrê koyan bi, o ruhê têkoşînî yê nêgêrayîşî bi. O do sey sembolê felsefeyê ‘yew loqme yew xirqe’ mîyanê têkoşînê xelasîya neteweyî ya kurdî de her tim bi hurmet bêro yadkerdene. Ma do heme xebatanê xo de şima û heme şehîdanê xo sey nimûne esas bigîrî û seba caardişê berpirsîyarîyanê xo cehd bikerî. Şehîdî belkî bi hawayêko fîzîkî mîyanê ma de nîyê, la bi hawayêko manevî her tim zerrîya ma de, mezgê ma de û heme cuya ma de ca gênî.
Reyna tewr verî serê Rayberîye û heme şarê kurdî weş bo. Rayîrê înan rayîrê ma yo, keda înan rayberê ma ya.”
