Komedyen Denîz Goktaş, bi sucê “qijkerdişê erjanê dînî” û “heqaretê vera serokkomarî” ame girewtiş.
Komedyen Denîz Goktaş ke badê sahneyê stand-upî yê “Denîzo Merde” ame hedefgirewtene û verê bi îdiaya “qijkerdişê erjanê dînî” dima bi îdiaya “heqaretê vera serokkomarî” derheqê ey de cipersayîş amebi destpêkerdene, vizêr teyaragehî de wexto ke kontrolê pasaportî amyêne kerdene, ame destbendkerdene. Dima ke karûbarê Denîz Goktaşî Mudirîya Asayîşî ya Stenbolî de temam bîyê, seba Edlîyeya Çaglayanî ame berdene.
Serdozgerî de ke karê Denîz Goktaşî temam bîyê, bi îdiaya “qijkerdişê erjanê dînî” û “heqaretê vera serokkomarî” bi waştişê girewtişî seba Hakimîya Cezayanê Sulhî ame erşawitene.
Hakimîye, bi eynî îdiayan qerarê girewtişê Denîz Goktaşî da.
