Komedyen Denîz Goktaş badê 88 rojanê tepiştişî ame veradayene.
Badê ke komedyen Denîz Goktaşî mojnayîşê xo yo bi nameyê “Olu Denîz” (Denîzo Merde) YouTube ra bar kerdbî, Serdozgerîya Komare ya Îstanbulî derheqê ey de tehqîqat dabî destpêkerdene. Goktaş 2ê temmuze de ameybî destbendkerdene û dima ame tepiştene; o 88 rojî Hepisxaneyê Asayîşê Berzî yê Karatepeyê Tekîrdagî de ameyêne tepiştene.
Roniştişo verên ê dewaya Goktaşî ewro ame viraştene. Dozgerîye cezakerdişê Goktaşî û dima veradayîşê ey waşt. Dadgerî waştişê dozgerî erjna û bi sebebê “qijkerdişê dînî” cezaya 7 aşm û 15 rojan û bi sebebê “heqaretê serokkomarî” zî cezaya hepsî ya 11 aşm û 20 rojan seba Goktaşî da û dima qerarê veradayîşê ey da.
