Serekê pêroyî yê HDP’yî yo verên Selahattîn Demîrtaş o ke Hepisxaneyê Edirne de girewte yo, eşkare kerd ke o do waştişê pêvînayîşî yê Kemal Kiliçdarogluyî red bikero.
Kemal Kiliçdaroglu yo ke bi qerarê “betalkerdîşê qetî” sey Serekê Pêroyî yê CHP’yî amebi wezîfedarkerdene, yew programê televîzyonî de vat ke o semedê wedaritene muafîyetê Selahattîn Demirtaşî raye “erê” daya û nê çîyî ra poşman nîyo. Naye ra raya pêroyî de vera Kemal Kiliçdarogluyî reaksîyonê huşkî ameyî mojnayene.
Vera nê reaksîyonan zî Kemal Kiliçdarogluyî eşkare kerdbi ke o do Serekê Pêroyî yê HDP’yî yo verên Selahattîn Demîrtaşî hepisxaneyê Edirne de girewteyo zîyaret bikero. Goreyê agahîyanê ke keyeyê Demirtaşî vila kerdê; Selahattîn Demîrtaşî vato ke waştişê pêvînayîşî hema nêresayo ey û Demîrtaşî vato eke waştişê pêvînayîşî Kiliçdarogluyî ra bêro kerdene zî o do nê waştişî red bikero.
