Selahattîn Demîrtaşî hesabê xo yê medyaya dîjîtale ser o veradayîşê Selçuk Mizraklî eşkera kerd.
Hemserekê Pêroyî yê verên yê HDP’yî Selahattîn Demîrtaşî derheqê veradayîşê Hemserekê Şaredarî yê verên yê Şaredarîya Amedî ya Şaristanê Girdî Selçuk Mizraklî, ke nika Hepîsxaneyê Edîrne de yeno girewtene, de, hesabê xo yê medyaya dîjîtale ser o mesajêk vila kerd.
Demîrtaşî mesajê xo de wina vat: “Roşnvîrêko zerrîpak Dr. Adnan Selçuk Mizraklî, ke sebebê çar aşmanê şaredarîya Amedî ver hewt serrî hepîsxaneyî de mendo û nika cezaya xo temam kerd, do 8ê êlule, roja sêşeme, bêro veradayene. Ti her bibê mamosta, her biciwîyo, şo rayîrê to timûtim akerde bo.”
