Şaredarîya Amedî yê Şaristanê Girdî Cayê Agroekolojî de toximê heremî zêde kena û pawena.
Serekîya Vurîyayîşê Hewa û Sifir Eşte ya Şaredarîya Amedî ya Şaristanê Girdî Cayê Agroekolojî de toximê heremî pawena, zêde kena û citkaran reyde pare kena. Şaredarî heta nika 105 grûbê ke gede û pîlan ra yenê pê, tîya de derheqê toximanê heremî de haydar kerdî û vera vîndîbîyayîşê toximanê heremî û seba pawitişê nê toximan perwerde da. Cayê Agroekolojî bîyo sey wendegehêko akerde.
Embarê toximanê heremî
Şaredarî perwerdekerdişê gedeyan ê derheqê toximan de zî muhîm vînena. Bi no qayde gedeyî toximanê heremî nas kenê û amanc o ke domanî bi nê toximan ra berardiş û erdî ra qut nêbê, nê toximan bipawê. Amanc o yo ke nê toximî bi raya citkaran hîna zêde bê û bêrê xebitnayîş.
Toximî bi metodanê xozayî nêweşîyan ra yenê pawitiş
Koordînatorê Agroekolojî Bişar Îçlî da zanayîş ke ê dorûverê 100 berheman cayê xo de berardê, toximê nê berheman zêde kenê û pare kenê. Bişar Îçlî diyar kerd ke ê toximanê heremî bi metodanê xozayî xurt kenê û nêweşîyan ra pawenê.
Pawitiş û vilakerdişê toximanê heremî
Şaredarî seba berardişê zebeşan zelqê boranan û awe kenê têmîyan û na awe bostanan de bi sîstemê dilopan vila kena. Reyna şaredarî 14 toximanê genimî ra ê ke 5ê ci mendê, pawena, zêde kena û vila kena. Bi nê toximanê neha, sîre, zebeşe, petêxe, xîyar, cewe, lazût û snb. bostan de seba toximan ameyê abirnayene, çînena, pawena û vila kena.
