Wezîfeyê Temsîlkarê Taybet ê DYA’yî yê Sûrîya û Sersefîrê Anqara Tom Barrackî qedîya. Ame zanayene ke do Tom Barrack seba karanê cîyayan bêro wezîfedarkerdene.
Wezaretê Karanê Teberî yê Dewletê Yewbîyayeyî yê Amerîka (DYA) Marco Rubîo, hesabê xo yê medyaya dîjîtale ser o eşkera kerd ke do Temsîlkaro Taybet ê Sûrîya Tom Barrack wezîfeyêko cîya de bêro wezîfedarkerdene û vat: “Wezîfeyê sersefîrê ma yo pîl Tom Barrack qedîya. Do Tom Barrack nameye rayberîya Donald Trumpî ser Iraq de xebatanê cîyayan de pêşengîye bikero.”
Pesnê monarşî da bî
Tom Barrack derheqê Rojhelatê Mîyanên de xeylê eşkerayîyê sosretî daye bî û vera nê eşkerayîyanê xo amebî rexnekerdene. Tom Barrack eşkerayîyanê xo de sîyasetê Rojhelatê Mîyanên yê DYA’yî ser wina qisey kerdibi: “Rojhelatê Mîyanên de aştîyêka domdare zaf zehmet a. Xeylê cayanê herême de metodê rayberî yê bi ‘serektîya bihêz’ yan ‘monarşîya xêrwaştene’ modelanê demokrasî ra zafêr tesîrdar bîyê.”
