Hûmara merdimanê ke hêrişanê Îsraîlî yê vera Lubnanî de merdê, resaye 2 hezar û 696.
Wezaretê Weşîye yê Lubnanî, hûmara merde û birîndaranê hêrişanê Îsraîlî yê ke 2yê adare ra heta nika yenê kerdene, pare kerd. Goreyê daneyanê wezaretî, hûmara merdeyan resaya 2 hezar û 696 û hûmara birîndaran zî resaya 8 hezar û 264.
Artêşê Îsraîlî 2yê adare de hêrişê hewayî yê giranî vera Lubnanî dayê dest pêkerdene û tayê şaristanokî ke başûrê welatî de yê, îşxal kerdbî.
Hukmatê Lubnanî eşkera kerd ke hûmara merdimanê ke welatî ra koçber bîyê, mîlyonêkî ra vîyarta.
Serekê DYA Donald Trumpî zî eşkera kerdbi ke adirbesto demkî yê 10 rojan ke 17ê nîsane de mabênê Lubnan û Îsraîlî de dest pêkerdbi, seba hîrê hewteyanê bînan ame dergkerdene.
Rixmê adirbestî de zî hêrişê Îsraîlî yê vakurê Lubnanî dewam kenê û Hîzbullah zî cewab dano nê hêrişan.
