Hemsereka Pêroyî ya DBP’yî Çîgdem Kîlîçgun Uçar mîtîngê 1ê Gulane yê Amedî de qisey kerd û bale ante muhîmîya têkoşînê şarê kurdî ser o û vat: “Pirodayîsê ma çik o, sosyalîzmî de îsrar mordemîye de îsrar o . Ewro tîya derîme, pîro pîyayîme, pîrodayîsê xo, ebe destê xo, emegê xo berzkeme.”
Mîtîngê 1ê Gulane yo ke bi rayberîya Platformê Dezgehanê Demokratîkan, Meydanê Îstasyonî de bi sloganê “Seba komelêko demokratîk, bi kede ver bi azadîye şonê” virazîya, bi qiseykerdişê Hemsereka Pêroyî ya Partîya Herêman a Demokratîke (DBP) Çîgdem Kiliçgun Uçar dewam kerd.
Qiseykerdişê Çîgdem Kiliçgun Uçar wîna yo:
“Sarê ma, ma bixeyr dî sarê Amedî, kedkarê Amedî, sima pêro xeyr ameyê, sereyê mi ser, çimanê mi ser o ameyê. Wes bo 1ê Gulana ma, Bijî 1ê Gulanê!
Sarê ma yo delal, ju pergal est o serê ma de nameyê nê pergalî, kapîtalîzm o. Her çîyê ma werd, xo mird nêkerd. Xozaya ma werd, keda û emegê ma werd, demê ma werd, dîroka ma werd xo mird nêkerd.
Nika vano ma unca ma çi bigîme nê emegî ra çi bigîme nê pirodayîşî ra. Ma ameyîme tîya, ma vamê ke ma kedkarîme, ma karkerîme, ama ma sarîme, ma komelîme, ma komunîme, coka ma tîya derîme.
Yew vatene est o, birêz Ocalan vano ke, serê na dîna de miliçîkêk vêşan nêmaneno. Vano ke miliçîkêk bêkar nêmaneno. Çutir beno mordem vêsan maneno. Çutir beno mordem feqîr beno.
Serva nê pergalî hînî yo. Sara ma yo delal, pîrodayîsê ma çik o, sosyalîzm de îsrar kenîme, mordemîye de kî îsrar keme. Wes û war bê ewro tîya derîme, pîro pîyayîme, pîrodayîsê xo, ebe destê xo, emegê xo berzkeme.”
