Platformê Pawitiş û Paştîdayîşê Bajarî yê Amedî vera astengkerdişê TIRanê hetkarî reaksîyon da ke waştêne şêrê Kobanî û sazgehanê mîyanneteweyî rê vengdayîşê muddexeleyî kerd.
Platformê Pawitiş û Paştîdayîşê Bajarî yê Amedî vera astengkerdişê TIRanê hetkarî reaksîyon da ke waştêne şêrê Kobanî û sazgehanê mîyanneteweyî rê vengdayîşê muddexeleyî kerd. Eşkerayîye Odeya Tîcaret û Sanayî ya Amedî de ame dayene, dîyar bî ke TIRê hetkarî sînor de yenê vindetene.
Serdar Keskin ke nameyê platformî ser o qisey kerd, vat ke konvoya hetkarîye ya dîyîne ke paketê hîjyenî û werdî, betanî, werdê domanan, awe û madeyanê germkerdişî ra yena meydan, 18ê nîsane de destûr nêame dayene ke Berê Sînorî yê Kilis-Çobanbeyî ra bivîyaro. Keskinî îfade kerd ke TIRê hetkarî depoyanê AFAD’î de yenê vindertene.
Eşkerayîye de mudexeleya awanîyanê girêdayê Hukmatê Demkî yê Sûrîye yê hetkarîyan ame rexnekerdene û ame tekîdkerdene ke na rewşe nêyena qebûlkerdene. Platformî vat ke astengkerdişê resayîşê hetkarîyan ê wayîranê hewcedarîyan, ameyoxê şarê herême tehdît keno.
Platformî venga sazgehanê mîyanneteweyî da û dîyar kerd ke verê her çî Miletê Yewbîyaye û Yewîya Ewropa û heme aktorê têkildarî ganî bikewê mîyanê prosesî.
