Serekê YNK’yî Bafil Celal Talabanî, derheqê çekanê de ke Serekê Amerîka behs kerdbi ke “hetê Kurdan ra ameyê berdene” vat: “Nê çekî Silêmanîye ra nêameye diznayene; her kam ke no kar kerdo, karêko xirab kerdo.”
Serekê Yewîya Niştimanî ya Kurdîstanî (YNK), derheqê çekanê ke Serekê Amerîka Donald Trump behs kerdbi, eşkera kerd ke nê çekî Silêmanîye ra nêameye diznayene û vat: “Her kam ke no kar vera embazê xo kerdo, karêko zaf xirab kerdo.”
Bafil Talabanî yew roportajê xo yê Fox News ê Amerîka de behsê na babete kerd.
Bafil Talabanî da zanayene ke hîkayeya Kurdîstanî cîya ya û wina vat: “Rastîye de ma hem welat ê, hem zî welat nîyê; hukmatê ma est o û eynî wextî de hukmatê ma çin o. O semed ra, ez eşkena vaja ke kesî Silêmanîye ra ê çekî nêberdê û ez nêşkena herinda partiyanê bînan de zî qisey bikerî. Ê qiseyê ke tirawitişê çekan ser o ameyê kerdene, xo ver nêbîyê. Çîyo ke ameyo kerdene, cayê şermî yo. Rast o, şuxulnayîşê kurdan sey mertalê şerî fikrêko xirab bi, la belê no çîyêko cîya yo ke ti embazê xo ra dizdey bikerî. O semed ra, goreyê mi do encamê nê karî yê xirabî est bî.”
Erjeno merdim vajo ke Serekê Amerîka Donald Trump, 5ê nîsana 2026î de, yew roportajê xo yê Fox Newsî de vatbi: “Dewletê Yewbîyayeyî yê Amerîka (DYA) zaf çekî seba numayîşanê vera hukmatê Îranî erşawitê. Ma ê çekî kurdan ser o erşawitê. Ez bawer kena ke kurdan ê çekî seba xo girewtî û berdî.”
