Dêrsim de rojnamegeran, destbendkerdiş û hepskerdişê hemmesleganê xo protesto kerdê û dîyar kerdê ke do verba teda û zilmî de bêveng nêmanê.
Dêrsim de rojnamegeran, hepskerdişê hemmesleganê xo yê Necla Demîr, Rahîme Karvar, Ahmet Guneş, Welat Ekîn, Vedat Oruc ve Reyhan Hacioglu, Gulîstan Dursun, Can Papîla, Pinar Gayip, Serpîl Unal, Hayrî Tunç, Enes Sezgîn û Osman Akınî protesto kerdê.
Rojnamegeran Kûçeya Hunerî de pankartê “Çew nêeşkeno Çapemenîya Azade bêveng bikero” akerd. Beyanatî ra temsîlkaranê sîyasî zî hetkarî da. Beyanat de rojnameger Cîhan Berk qise kerd.
Cîhan Berk eşkera kerd ke her ke şono ser rojnamegeran teda û zilm zêdîyeno û wina va: “20ê Kanûna 2024î de rojnamegeran Nazim Daştan û Cîhan Bîlgîne ameyê kiştiş. Rojnamegeran Necla Demîr, Rahîme Karvar, Ahmet Guneş, Welat Ekîn, Vedat Oruc ve Reyhan Hacioglu, Gulîstan Dursun, Can Papîla, Pinar Gayip, Serpîl Unal, Hayrî Tunç, Enes Sezgîn û Osman Akınî zî seba ke no kiştişî ra nêrazîbîyayişê xo mojnayê, ameyê hepskerdiş. Rojnamegerî, kerraya bingeyînî ya komelî ya, no ser ganî teda no meslegî ra nîro kerdiş.”
Sazî û dezgehê mîyanêneteweyî ra veng dayê
Berk veng da sazî û dezgeyê mîyanêneteweyî ra û wina qedîna: “Verba nê gefan de ganî ma do mîyanê têkoşînî de bibê. No ser heme sazî û dezgeyê mîyanêneteweyî ra ma veng danê. Rojnamegerî sûc nîya. Ma do hetanî hememesleganê ma, bêrê serbestveradayiş do ma têkoşînê xo bidomnê. Çew nêeşkeno rojnamegerîya azade bêveng bikero.”
Beyanat bi qîrayişê sloganan qedîya.
