Tarîx û bernameya ‘Meşo Derg’ o ke seba azadîya fizîkî ya Rayberê PKK’î Abdullah Ocalan her serre hetê ciwanan ra yeno viraştiş, dîyar bî.
Tarîxê bernameya çalakîya ‘Meşo Derg’ o emserre do mabenê 9-14ê Sibate de şaristanê Heilbronnî yê Almanyaye ra hetanî şaristanê Freîburgî bêro viraştiş. Çalakî do 15ê Sibate bi Meşê Girde yê şaristanê Strasbourgî yê Fransaye dewam biko. Meşo ke do bi armancê azadîya fizîkî ya Rayberê PKK’î Abdullah Ocalanî bêro viraştiş, veng ame dayiş. Vengdayiş de ciwanan ra ame waştiş ke do bi dirûşmê ‘Azadî Rayber Apo rê, çareserî problemê Kurd rê’ beşdarê meşî bibê. Meşî ra do Fransa, Almanya, Swîsre, Awusturya, Îngîlîstan û welatanê bîn ê Ewropa ra bi seyan ciwan beşdarê bibê.
Roja destpêkî ya meşî ke do şaristanê Heilbronnî yê Almanya destpê biko û hetanî şaristanê Freiburgî dewam biko, do Komploya Mîyaneteweyî bêra ercnayiş. Komîteya Amedekar heqê çalakîye de beyanatêk da û va: “Ma komploya Mîyanêteweyî şermezar kenê ke verba Rayber Apo ame kerdiş. Verba na komplo ke hetê qewetê Gladîo ra ame kerdiş, ma do bibê yew û dêsanê pergalê qirker û îşkenceyê yê Îmraliyî birijnê. Verba faşîzm û mêtingerîye ma do bi dirûşmê ‘Kes nêeşkeno roja ma tarî biko’ ma do têkoşînê xo gird bikê. Hetanî ke azadîya fizîkî ya Rayber Apo pê bîyarê.”
* Cayê pêserameyişî: Landturmstrasse 4, 74080 Heilbronn, Almanya
* Demê pêserameyişî: 10:00
