Komeleya Rojnamegeranê Cinî ya Mezopotamyayî û Komeleya Rojnamegeran Dîcle Firatî seba operasyonê polîsan ê verba rojnamegeran beyanat dayê û vatê ke çew nêeşkeno çapemenîya zade bêveng biko.
Tirkîya ke her ke şono verba rojnamegeran de teda û zilmê îqtîdarê AKP û MHP’î zêdîyeno. Demo nêz de rojnamegeran Nazim Daştan û Cîhan Bîlgîne ameyê qetilkerdiş. Hewna ewro rojnamegeran ra polîsan operasyon kerdê û 4 rojnamegeran ameyê destbendkerdişî.
Komeleya Rojnamegeranê Cinî ya Mezopotamyayî û Komeleya Rojnamegeran Dîcle Firatî bi hembarî seba operasyonê polîsan ê verba rojnamegeran beyanat dayê.
Beyanat wina yo:
“Ewro hewna rojnamegeran destbend kerdê, Reyhan Hacioglu Wan de, Ahmet Guneş, Necla Demîr, Welat Ekîn û Rahîme Karvar zî Îstanbul de ameyê destbendkerdiş. Rojnemegeran ra demê destbendkerdişî polîsan rojnamegeran gef wendê û kelmelê dîjîtalî ra zî dest ser ronayê. Hewna polîsan Produksîyanê Guncel û Marti ra eştê ser û bi saetan gêrayê.
Demê hêrişê Tirkîya yê Awbenda Tişrînî de 4 rojnamegerê birîndar bîyê. Hewna 19ê Kanûne de rojnamegeran Nazim Daştan û Cîhan Bîlgîne ameyê qetilkerdiş. Ma veng danê îqtîdarî ke ma qewetê xo huyayişê Cîhane û Nazimî ra gênê, heqîqatê Apê Musayî ra û bawerîya xo zî Gurbetellîye ra gênê. Çew nêeşkeno Çapemenîya Azade bêveng biko.”
