Rejîmê Îranî kiştişê Ayetulah Elî Hamaneyî ser o eşkerayî da û 40 roj şîn îlan kerd.
Amerîka û Îsraîlî vizerî vera rejîmê Îranî hêriş da dest pêkerdene, Medya Îsraîlî û Amerîkayî vizerî şewe kiştişê Rayberê Dinî yê Komara Îslamî yê Îranî Ayetulah Elî Hamaneyî eşkera kerde. Sewbîna zî Serekê Amerîkayî Donald Trumpî zî eşkera kerd ke înan Hamaney kişto.
Rejîmê Îranî televizyonê fermî de eşkera kerd ke Hamaney ameyo kiştene û 40 rojî şîn îlan kerdo.
Elî Hamaney hemşerîyê Humeynî bî. Nê her di kesî zî bi qerarê dardekerdiş û qirkerdişanê kurdan û şaranê Îranî yenê naskerdene.
Nameyê ey yê rast Seyîd Elî Hamaney o û 19ê nîsana 1939 de Meşhed de ameyo dinya. Bi eslê xo Azerî yo.
Goreyê agahîyan vizêrî ra heta nika bê Hamaneyî zaf rayedar û eskerê payeberzî zî ameyê kiştene.
