Platfomra Saziyên Demokratîk a Colemêrgê bi boneya 14ê Tîrmehê berxwedana li Zindana Amedê bernameya bîranînê li dar xist û sînevîzyonek da nîşandan.
Platfomra Saziyên Demokratîk a Colemêrgê bi boneya 14ê Tîrmehê berxwendana pêşengên Tevgera Azadiyê ya di Zindana Amedê de dan meşandin, bernameya bîranînê li dar xist û sînevîzyonek da nîşandan. Bername li avahiya DEM Partiyê ya Colemêrgê hat lidarxistin û gelek kes tev li bûn. Bername ji bo hemû cangoriyên demokrasiyê bi deqeyeke rêzgirtinê dest pê kir.
Nûnerê MEBYA-DERê Hamdî Taşkin piştî rêzgirtinê axivî û diyar kir ku bi saya wan cangoriyên di Zindana Amedê de jiyana xwe ji dest dane, ev tevger heya vê rojê hatiye û wiha got: “Niha di encama berxwedana wan de hemû cîhan Kurdan nas dike û hebûna Kurdan dizane. Wan miletek ji neyînî aniye heyîniyê û vê gavê dewleta Tirk jî li gel Kurdan pêvajoyek daye destpêkirin. Ev hemû bi saya wan şehîdan e. Divê em jî li gorî mîrateya wan tevbigerin û lê bibin xwedî.”
Piştî axaftinê sînevîzyona ku behsa berxwedana 14ê Tîrmehê dikir, hat temaşekirin û bernameya bîranînê bi dirûşmeyan bidawî bû.
