Verfekê Platformê Ziwanê Kurdkî Şerefxan Cizîrî ke verê panelê “Ziwanê Kurdkî û Mekaqanûno Newe” beyanat da û vat ke ziwanê Kurdkî Kurdistanê Bakûrî de binê telukeyî de yo
Platformê Ziwanê Kurdkî panelê bi babeta “Ziwanê Kurdkî û Mekaqanûno Newe” ke ziwanzan û nuştox Malmîsanij, wekîla DEM partîye ya Mêrdînî Berîtan Guneş, huquqnas Mehmet Emîn Aktar sey qiseker beşdar bibê, viraşt.
Verfekê Platformê Ziwanê Kurdkî Şerefxan Cizîrî panel pêşkêş kerd. Verê panelî Çand Amed de beyanatêk da. Verdekê platformî Şerefxan Cizîrî beyanat wend.
Sazîya ziwanê Kurdkî
Şerefxane Cizîrî ard ziwan ke ê wazenê ke Sazîya Ziwanê Kurdkî Tirkîya de bêra ronayiş û wina vat: “Wa raştîyê ma aşkera bêrê vatiş, zafêr merdimê Kurd asîmîle bîyê, ziwan, tarîx, nasname û kulturê xo dûr mendê. Têkilîyê komelkî û sîyasî de ziwanê Kurdkî astêka hera de nîno şuxulnayiş. Eke pêvajoya wina dewam bika, ziwanê Kurdkî binê telukeyî de bimano. Ma wazenê ke partî û sazîyê sîyasî xebatanê xo bi ziwanê Kurdkî bikê. Ziwanê Kurdkî estbîyayiş, nasname û tacê serê Kurdan o.”
