• Kurmancî
  • Kirmanckî
  • |
  • Derheqê Ma De
  • |
[email protected]
Ajansa Welat
21 MIJDAR 2026
No Result
View All Result
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • Heme Xeberî
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • Heme Xeberî
No Result
View All Result
Ajansa Welat
No Result
View All Result

Zimanxane şîyeno kongre: Armanc, ziwanî mîyanê dîwaran ra vetiş o

Omer Demîr / AW

20 MIJDAR 2026 - 10:27
Kategorî: KIRMANCKÎ - KULTUR, KIRMANCKÎ - MANŞET
A A
Stenbol – Zimanxane do 29ê teşrîna peyêne de kongreya xo bikero. Endamê komîsyona kongreyî û rêveberê sazîye eşkera kerd ke Zimanxane bi xebatanê xo mîyanê şarî de veng da û vat: “Karê ma yê esasî verê veran vindarnayîşê asîmîlasyonî yo, heto bîn ra çîyo muhîm o yo ke ganî ma ziwanê kurdkî mîyanê çar dîwaran de nêverdê û bikê rojdemê şarî.”

Komeleya Cipersayîş û Aver Berdişê Ziwan û Kulturê Kurdan (Zimanxane) 21ê hezîrane de qezaya Umranîyeya Stenbolî de ame awankerdene. Nêzdî 6 aşman de ke vîyartî, Zimanxane de 2 polê domanan û 3 polê girdan de perwerdeya ziwanî ame dayene û dersê asta verêne qedîyayî. 28ê teşrîna peyêne de kesê ke beşê xo qedênayî, belgenameyê xo girewtê. Zimanxane do 29ê teşrîna peyêne de kongreya xo bikero. Kongre ra rêveberîyêka newe do bêro weçînitene. Hemverfekê komîsyona kongreyî Adem Yildizî, endama komîsyona kongreyî Şengul Bîngole û rêveberê Zimanxaneyî Hecî Demîr û Mihemed Ayyilmazî derheqê amadekarîyanê kongreye û armanca kongreye de qisey kerd.

‘Encamo ke Zimanxane ra vejîyo, waştişê statuyê ziwanê kurdkî yo’

Hemverfekê komîsyonê kongreye Adem Yildizî vat ke ra awankerdiş ra na het rêveberîyêka demkîye kar û xebatan ser o bîye û derheqê xebatanê ameyê kerdene de wina vat: “Mîyanê 5 aşman de Zimanxane de serdemêkê 3 aşman ê dersanê ziwanê kurdkî ame dayene. Dersê Zimanxane qedîyayî, nika wextê kongreyî yo. Seba ke ma bi reng û kulturê xo bicuyê, ganî ma hêza xo biafirnê. Stenbol de humarêko zaf kurdî ciwîyenê. Erjê hempar ê şarî ziwanê kurdkî yo. Pêroyê kurdî nê mesele de hempar ê. Seba ke ma bieşkê pêroyê kurdan rê bibê cewab, tena Zimanxaneyêk besî nîya. Seba nê ganî Zimanxane pêroyê kurdan rê bibo mînak ke sazîyêk senî yeno awanayene. Verê ma vatêne ke kurdî wazenê ziwanê xo bander bibê. Ma ewro vanê ke, kurdî ziwanê xo bander benê. Ganî ziwanê kurdkî her ca de bêro xebitnayene. Ganî Zimanxane pêroyê qezayanê Stenbolî rê bibo mînakêko tewr verbiçimî; rol û wezîfeya Zimanxane ya dima kongreyî no yo. Waştişê derdorî zaf ê, labelê pirsgirêka ma statuya ziwanê kurdkî yo. Vakurê Kurdîstanî û Tirkîya de têhetamayîşêk est o. Waştişê aştîye û pîyakerdene est o, raya naye zî statu ra vîyareno. Yewalî çare nêbeno. Encamo ke Zimanxane ra vejîyo, waştişê statuyê ziwanê kurdkî yo. Ma kesê ke ziwanê û kamîya xo ra wayîr vejîyenê ra veng dayîş kenê, tewr zaf hewceyîya kurdan ewro ziwanê kurdkî yo. Seba naye, kongreya 29ê teşrîna peyêne de ziwanê kurdkî rê wayîrîye bikerê.”

‘Ma wazenê ziwanê kurdkî vilayê taxan bikerê’

Rêveberê Zimanxane Hecî Demîrî vîr ard ke Zimanxane nêzdî 6 aşman ra ya seba aver berdişê ziwanê kurdkî û asîmîlasyon rê vera vindarîyayîşî xebatanê xo dewam keno û wina vat: “Ma na serdem sey şagirtîye name kerd û ma zî hîn bîyî. Dima 6 aşman şarî de kelecanêk virazîya, nê zî hêz da ma. Seba serdema newe Zimanxane do 29ê teşrîna peyêne de bişîyo kongre. Rêveberîyêka xurttir do virazîyo. Ma eşkenê bivajê ke waştiş û waştena ziwanê kurdkî êdî hêvî ra veciyaya û statuyêko şênber bi dest bikewo. Karê ma yê esasî verê ra asîmîlasyon rê vera vindarîyayîş o, labelê karo muhîm no yo ke ganî ma ziwanê kurdkî çar dîwaran de nêverdê û bikê rojdemê şarî. Na pêvajoya viraştişî ya, kes kurdan rê ziwanêk nêdano. Ganî her kes xo sey şagirtê ziwanê kurdkî bivîno û tegêrayîş de bo. Eya, şarê ma sazîyanê xo rê wayîrîye keno, labelê ganî ma her keyeyêk bikerê mektebêk. Ma wazenê ziwanê kurdkî vilayê taxan bikerê.”

‘Ziwanê xo rê wayîrîye bikerê’

Şengul Bîngole zî eşkera kerd ke kongreya Zimanxane 29ê teşrîna peyêne de yena viraştene û wina vat: “Nêzdîyê 2 aşmano ke xebatê kongreye dewam kenê. Ma zanê ke bingeyê hemwelatîbîyayîşî de heqa tewr bingeyîne ziwan û kultur o. Prosesê Aştîye û Komelê Demokratîkî de seba xebatan derfetî virazîyê. Ma wazenê ke tena Zimanxaneyêk nê, her qada de sazîyê ma bibê. Seba naye zî vengê xo û waştişê xo zêdetir berz bikerê û kurdkî qisey bikerê. Ziwanê xo rê wayîrîye bikerê.”

‘Ma amanc kenê ke ziwanê ma mîyanê şarî de vila bibo’

Rêveberê Zimanxane Mihemed Ayyilmazî derheqê rol û wezîfeya awankerdişê Zimanxane de nê çîyî vatî: “Şagirtê ma tena kurdî nîyê. Şarê tirkan zî wazeno ziwanê kurdkî hîn bibo. Ma waşt ke sazîyê kurdan her ca de zêdetir bibê. Zimanxaneyî zaf veng da. Şagirtanê ma, ke serdema xo qedênayî, do belgenameyê xo bigîrê. Kongre ra dima do serdema perwerdeyê newî dest pê bikero. Domanê şarê kurdan her ke şîyeno, hem bi asîmîlasyonî hem zî bi asîmîlasyona zereyîye reyde ribiri yê. Ma wazenê ke ziwanê kurdkî bibo ziwano resmî. Seba nê zî xebitîyenê. Ma armanc kenê ke ziwanê ma mîyanê şarî de vila bibo û domanê kurdan bi kurdkî gird bibê.”

Tags: Stenbol/umranîyeZimanxane
ShareTweetSendShareShare

Nûçeyên Din

Cinî Zimanxane de ameyê têhet

Cinî Zimanxane de ameyê têhet

22 TEBAX 2026
Zimanxane bi heyacanêko gird ame akerdene

Zimanxane bi heyacanêko gird ame akerdene

21 HEZÎRAN 2026
Seba ziwanê kurdkî cayêko newe: Zimanxane

Seba ziwanê kurdkî cayêko newe: Zimanxane

19 HEZÎRAN 2026

↗️ XEBERÊ KE ZAF AMEYÊ WENDIŞ

TOHAV’î avûkatê Kurdî yê ke ameyê qetilkerdiş vîr ardî

TOHAV’î avûkatê Kurdî yê ke ameyê qetilkerdiş vîr ardî

21 MIJDAR 2026
Aqûbeta cinîyanê ke ameyê kiştiş û vîndîkerdiş ame persayîş

Aqûbeta cinîyanê ke ameyê kiştiş û vîndîkerdiş ame persayîş

21 MIJDAR 2026
‘Ma do bi awankerdişê komîneyan nê prosesî de biresê serkewtiş’

‘Ma do bi awankerdişê komîneyan nê prosesî de biresê serkewtiş’

21 MIJDAR 2026
Hesekê de ciwanêk bi gulleyanê eskeranê Tirkan ame kiştiş

Çalakîya KHK’yî: ‘Polîtîkaya îxracî hêrişêko vera keda cinîyan a’

21 MIJDAR 2026
Girewteya neweşe Newroz Bozkurte vaznaya ra neweşxane!

Muracatê peydeştişê înfazî yê seba Newroz Bozkurte bê cewab mend

21 MIJDAR 2026

ARŞÎV

  • MIJDAR 2026 (294)
  • COTMEH 2026 (357)
  • ÎLON 2026 (274)
  • TEBAX 2026 (308)
  • TÎRMEH 2026 (406)
  • HEZÎRAN 2026 (336)
  • GULAN 2026 (327)
  • NÎSAN 2026 (349)
  • ADAR 2026 (422)
  • SIBAT 2026 (387)
  • ÇILE 2026 (540)
  • KANÛN 2025 (254)
  • MIJDAR 2025 (226)
  • COTMEH 2025 (209)
  • ÎLON 2025 (232)
  • TEBAX 2025 (210)
  • TÎRMEH 2025 (299)
  • HEZÎRAN 2025 (257)
  • GULAN 2025 (334)
  • NÎSAN 2025 (265)
  • ADAR 2025 (317)
  • SIBAT 2025 (317)
  • ÇILE 2025 (298)
  • KANÛN 2024 (293)

Ajansa Welat, bi xeberanê xusûsîyan, dosya, cigêrayîş, dîmen û vengan komelî agahdar û roşnî kena.

Bi şîarê agahîyanê raşt û objektîfan weşanî esas gêna, serê şopa heqîqetî de agahîyan vila kena.

Ajansa Welat bi xeber û tedeyanê xo bena veng û rengê welatî.

Xwediyê Îmtîyazê: Fahrettin Kılıç

Berpirsiyarê Karên Nivîsan: Mahmut Altıntaş

Navnîşan: Fırat Mahallesi, 553. Sokak, Tanlar Şehri Teras Evleri, B Blok,
Kat: 5 - No: 40, Kayapınar, Diyarbakır

Telefon: +90 (532) 519 37 73

E-mail: [email protected]
Malper: www.ajansawelat1.com
Twitter Youtube Instagram Whatsapp
  • Serrûpel
  • Têkilî
  • Derbarê Me De

© 2024 Ajansa Welat ● Yekemîn Ajansa xwerû Kurdî ● Hemû maf parastî ne

No Result
View All Result
  • HEME XEBERÎ
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • KURMANCÎ

© 2024 Ajansa Welat ● Yekemîn Ajansa xwerû Kurdî ● Hemû maf parastî ne