Tehlîyeya Girewteyanê hepisxaneyanê Antalya Mervan Demîrtaş, Mahmut Kaygan, Nurşen Tekîn veradayîşê înan ame taloqkerdene.
Hepisxaneyê Emnîyetî Berzî yê Antalya de Mervan Demîrtaş ke şertê poşmanîye yo mecburî qebul nêkerda, veradayîşê ci 3 rey qasê 6 aşman ame taloqkerdene, reyna veradayîşê ci derg kerdo. Rehîngirewte Demîrtaş ke 14 serrî yo hepisxane de seba ke poşmanîya mecburîye qebul nêkerda, veradayîşê ci reya bîne qasê 6 aşman ameye taloqkerdene.
Mahmut Kaygan 31 serrî yo hepisxane de yo
Hepsîxaneyê Tîp S’ yî yê Manavgatî de hepsîyo nêweş Mahmut Kaygan zî veradayîşê ey reya 4. taloq bî. Kaygano ke 31 serrî yo hepsîxane de yo, verê naye 3 rey, her reye 3 aşmî taloq bîybî veradayîşê ey. Ey zî seba ke poşmanîya mecburî qebul nêkerda, veradayîşê ey 3 aşmî taloq bî.
Nurşen Tekîn 30 serrî yo girewte ya
Eynî hepsîxane de, Nurşen Tekîn ke 30 serrî girewte ya, veradayîşê aye zî 3 aşmî derg bî. Înfazê Nurşen Tekîn zî bi sebebê poşmanîya mecburî qebul nêkerde, taloq bî.
Her di hepisxaneyan de zî hepsîyan ser o teda û îşkence dewam kena.
