Wezîrê Edaletî Yilmaz Yunçî derheqê waştişê MHP’yî yê seba “Qanûnê înfazî” de qisey kerd û vat ke ne bedilnayîşê qanûnê înfazî ne zî efû rojevê înan de nîyê.
Wezîrê Edaletî Yilmaz Tunçî kombîyayîşê hewtane yê grûba AKP’yî ra ver qisey kerd û seba waştişê “Qanûnê înfazî” yê MHP’yî wina vat: “Babetêka sey bedilîyayîşê qanûnê înfazî yan zî efûyî rojevê ma de nîyê. Paketa Hukmî ya 12. derheqê înfazî de nîya la seba ke qeydeyê hukmî çalakêr bixebitîyê do bêra kerdene.”
Se bibi?
Cagirê Serekê Pêroyî yê MHP’yî Fetî Yildizî derheqê bedilîyayîşê qanûnê înfazî de vatbi: “Esasê xo de ma sererastkerdişêkê înfazî kerd. 50 hezar kesî vejîyenê. 50-60 hezarê bînî zî do vejîyê. Çîyo ke ez tîya de behs kena Qanûnê Înfazî yo. Eke ma Qanûnê Înfazî vejê do mîyanê nê rastkerdişê înfazî de bibo. Ma do yasayêka goreyê destûrê bingeyîn vejê û do înan reyde pê bikerê. Tekane çîyo ke ma înfazî de pê nêkenêi, nê yê. Ma do nînan zî qisey bikerê. Rewşêka ke ma vajê do nêmcet caverdî nîya.”
